कावासोतीमा ६०० एम्पुल लागू औषध सहित थापा पक्राउ

कावासोती । पूर्वी नवलपरासीको कावासोतीमा ६०० एम्पुल लागू औषध सहित प्रहरीले एकजनालाई पक्राउ गरेको छ । शनिबार साझ करिब साढे सात बजेको समयमा कावासोती १६ चालिस किलो जंगलमा बुटवलबाट नारायणगढ तर्फ जादै गरेका ना ५ ख ७६३३ नम्बरको बस चेकजांच गर्ने क्रममा बसमा सवार लमजुङ बेशीसहर २ भकुण्डे बस्ने वर्ष २० को अनिल थापालाई प्रहरीले लागू औषध सहित पक्राउ गरेको हो ।

थापाको साथबाट प्रहरीले नुफिन २०० एम्पुल, फेनेरागन २०० एम्पुल, डाईजापाम २०० एम्पुल गरी जम्मा ६०० एम्पुल लागू औषध बरामत गरेको छ ।