कावासोती तीनद्धारा पोषण आहार सामग्री वितरण

ज्ञानु पंगेनी ,कावासोती । कावासोती नगरपालिका – ३ नम्बर वडाले पोषण आहार सामग्री वितरण गरेको छ ।बैशाख महिनादेखी यता सरकारी स्वास्थ्य संस्थामा सुत्ेकरी भएका आमाहरुलाई पोषण आहार सामग्री वितरण गरिएको हो ।

आज वडा कार्यलयमा एक कार्यक्रमकाबीच वडा अध्यक्ष डोरमान गिरीले सुत्केरी आमाहरुलाई अण्डा , घीउ , मह लगायतका पोषण आहार वितरण गर्नुभएको हो ।

पोषण आहार वितरण गर्दै अध्यक्ष गिरीले २०८० ०८१ के सामाजिक विकास कार्यक्रम अन्तरगत पोषण सामाग्री वितरण गरिएको बताउनुभयो ।

उहाँले यो कार्यक्रम निरन्तरको कार्यक्रम भएकाले त्यसै अनुसार समय समयमा सुत्केरी आमाहरुलाई पोषण आहार वितरण कार्य भइरहेको समेत बताउनुभयो ।कार्यक्रममा वडा सचिव विष्णु मित्र , वडा सदस्यहरु ऋषी बस्ताकोटी , रण बहादुर थापा , बसन्ती कुँवर लगायतको सहभागिता रहेको थियो ।