कावासाेतीमा तासकाे खालबाट ५ जना पक्राउ

कावासोती । नवलपुरको कावासोतीबाट तास खेलिरहेका ५ जना पक्राउ परेका छन् । कावासोती २ हिमाल चोक निवासी ४० बर्षीय उज्जवल मल्लको घरबाट मल्ल सहित ५ जनालाई नियन्त्रणमा लिएको जिल्ला प्रहरी कार्यालय नवलपुरका प्रहरी नायव उपरीक्षक जेशी शाहले बताए ।

प्रहरीले उनीहरूको साथबाट १ लाख ४ हजार ५ सय ९५ रूपैयाँ नगद र ४ बुक तास बरामद गरेको छ । त्यसैगरी कावासोती २ निवासी ४० बर्षीय गोविन्द न्यौपाने, ४२ खिम लामिछाने मगर, ४५ बर्षीय रामजी पाण्डे र कावासोती ३ निवासी २९ बर्षीय देवराज बस्याल पक्राउ परेका छन् ।

पक्राउ परेकालाई भोलि म्याद थपका लागि लगिने प्रहरीले जनाएको छ।