कावासोतीमा अन्तरजातीय विवाह गर्ने जोडीलाई सम्मान

कावासोती । पूर्वी नवलपरासीमा अन्तरजातिय विवाहा गर्ने ४३ जोडीलाई सम्मान गरिएको छ । जिल्लाको कावासोती नगरपालिका भित्र अन्तरजातिय विवाह गर्ने ४३ जोडीलाई आज (मंगलबार) सम्मान गरिएको हो ।

नगरपालिकाका उपप्रमुख प्रेम शंकर मर्दनिया र दलित मुक्ती समाजका केन्द्रीय सदस्य बाबुराम बिश्वकर्माले सम्मान पत्र हस्तान्तरण गनुर््भएको थियो ।
कार्यक्रममा बोल्दै कावासोती नगरपालिका उपप्रमुख मर्दनियाले समाजको रुपान्तरणमा अन्तरजातिय विवाहले महत्वपुर्ण भुमिका खेलेको बताउनुभयो । उहाँले सामाजिक रुपमा अझैपनि अन्तरजातिय विवाहलाई दलित र गैर दलित बिचको सम्बन्धलाई स्वीकार गर्न नसकेको यर्थाथलाई चित्रण गर्दै नयाँ पुस्ताले यस्ता धारणालाई चिर्न पहल थाल्नुपर्ने बताउनुभयो । कावासोती नगरपालिकाले आगामी दिनमा समेत यस्ता प्रोत्साहनका कार्यक्रमहरु समेट्दै लैजानेमा उहाँले प्रतिबद्धता व्यक्त समेत गर्नुभयो ।
कार्यक्रममा बोल्दै नगरपालिकाका प्रमुख प्रशाशकीय अधिकृत राकेश गुरुङले समाजमा जातिय समानता ल्याउनका लागि अब स्थानिय तहबाट नै बलियो कदम चाल्नुपर्ने आवश्यक्ता औल्याउनुभयो ।
कार्यक्रममा बोल्दै मुक्ति समाजका केन्द्रीय सदस्य बाबुराम बिश्वकर्माले कानुन प्रगतिशिल भएपनि समाज यथास्थिति मै रहदा दलित समुदाय अझै पनि जातिय भेदभाबको चपेटामा परिरहेको बताउनुभयो । २१ औं शताव्दीमा पनि दलित समुदायलाई समाजले दिएको चोट, गरिएको अपहेलना र तिरस्कारका विरुद्ध राज्य मौन हुन दुखत भएको बताउनुभयो ।
सम्मानीत जोडीहरुले प्रमाण पत्र, दोसल्ला र अविर लगाएर मात्र न्याय नमिल्ने बताएका थिए । आफुहरु जस्तै अन्तरजातिय बिवाहमा बाधिनका लागि कत्तिको ज्यान नै गएको भन्दै त्यस्ता घटनबाट सुरक्षित रहनका लागि राज्यले नै जिम्मेवारी लिनुपर्ने जोड दिएका थिए ।
सो अवसरमा कावासोती–४ का वडाध्यक्ष रमाकान्त चापागाइ , ९ का वडाअध्यक्ष नेत्र प्रसाद खतिवडा, १७ का वडाअध्यक्ष छबिलाल थारु, नेपाली कांग्रेस जिल्ला कमिटि सदस्य अमर बि क, महिला तथा बालबलिका शाखा प्रमुख सुशिला तिमल्सीना, कावासोती नगरपालिका कार्यपालिका सदस्य बागबिर सुनार, गिता बि क, लगायत दलित अधिकारकर्मीहरुको आतिथ्यता रहेको थियो ।
सो अवसरमा नै उपस्थित सहभागिहरुलाई अधिवक्ता भुपेन्द्र खनालले कानुन सम्बन्धी प्रशिक्षण समेत प्रदान गर्नुभएको थियो ।