दुई अर्ब लगानीमा भरतपुर बिमानस्थल क्षेत्रीयस्तरको बनाइँदै, ४०० मिटर विस्तार गरिने

प्राधिकरणले भरतपुर विमानस्थलको धावनमार्ग लम्बाई ४०० मीटर विस्तार गर्न लागेको उनले बताए । ११ सय मिटर लम्बाई धावनमार्ग रहेको यो विमानस्थलमा हाल एटीआर–४२ सिरिजको जहाजले नियमित उडान गर्दै आएको छ ।‘भरतपुरमा पनि व्यापारिक कम्प्लेक्स सहितको टर्मिनल भवन निर्माण गरिनेछ । डिजाइन तयार भइसकेको छ । विराटनगर र नेपालगञ्जको तुलनामा टर्मिनल भवन सानो रहनेछ । किनभने भविष्यमा धावनमार्ग विस्तार गर्दा जग्गा आवश्यक पर्न सक्छ,’ उनले भने । यसका लागि करिब दुई अर्ब रुपैयाँ लागत अनुमान गरिएको छ।

प्राधिकरणका प्रवक्ता निरौलाले विराटनगर र नेपालगञ्जमा नयाँ टर्मिनल भवन निर्माण कार्य सुरु भइसकेको र भरतपुरका लागि टेण्डर आह्वान भइसकेको जानकारी दिए । आन्तरिक उडानका यात्रुलाई उच्चस्तरीय सेवा दिने उद्देश्यले परियोजना अघि बढाइएको हा े।‘यात्रु सेवा विस्तारका लागि विमानस्थलमा अत्याधुनिक सेवा सहितको टर्मिनल भवन विस्तार गर्न सुरु गरेका हौं। अधिकांश विमानस्थल सञ्चालनमा आएको चार दशक भइसकेको छ । यही कुरालाई मध्यनजर गर्दै हामीले यो वर्ष सुरुमा विराटनगर, नेपालगञ्ज र भरतपुर विमानस्थलमा नयाँ टर्मिनल भवन निर्माण सुरु गर्न लागेका हौं,’ प्रवक्ता निरौलाले भने ।