नवलपुरका व्यावसायिक समस्या सामधानका लागि एकजुट हुदैँ, भवन भत्काएकोमा खेद प्रकट

कावासोती, साउन ५ गते। आर्थिक संकटमा परेका नवलपुरका व्यापारी तथा व्यावसायीहरु समस्या सामधान गर्न एक जुट हुने भएका छन । नवलपुर उद्योग बाणिज्य संघद्वारा आयोजीत जिल्ला स्थित बस्तुगत संघ, बजार विकास समितिहरु बीच भएका अन्त्क्रिया कार्यक्रममा बोल्दै बिषयगत बस्तुगत संघ, संस्थाका अध्यक्ष प्रतिनिधीहरुले समस्या सामधानका लागि सामुहिक पहल गर्ने बताएका छन । अन्तरक्रियामा बोल्दै देश नै आर्थिक संकटमा परेको समयमा स्थानीय पालिकाहरुले व्यावसाय सुचिकृत तथा नविकरण शुल्कमा छुट गर्नुपर्ने, फोहोर मैला शुल्क घटाउनु पर्ने माग गरेका छन ।त्यस्तै बैंक तथा वित्तिय संस्थाहरुले असार मसान्तसम्म भुक्तान गर्नुपर्ने साँवा र व्याज रकम भुक्तानीको समय थप गर्नुपर्ने, कुनैपनि धितोहरु लिलाम प्रक्रियाको समय थप्नुपर्ने, बैक व्याजदर एक अंकमा झार्नु पर्ने वा सम्झौतामा भएको व्याज दर लागु पर्ने निर्णय गरेको नवलपुर उद्योग बाणिज्य संघका महासचिब सागर पोख्रेलले बताए ।
हाल नवलपुर जिल्लामा विगत आर्थिक बर्षमा भन्दा ५० प्रतिशत व्यावसाय दर्ता धट्दै जानु, २५ प्रतिशत व्यावसायी विस्थापित भएका र २५ प्रतिशत व्यापारी विस्थापितको क्रममा रहेको बताउदै महासचिब पोख्रेलले व्यापारीहरुबाट उद्यारोमा लगिएको सामानको रकम ग्राहाकले भुक्तानी १ बर्ष भित्र वा सहमतिको समय सिमा भित्र भुक्तान नगरे व्यापारीले बैकमा तिरेको बैक व्याजदर बराबरको सहितको भुक्तानी लिने, सहकारीको चेक भुक्तानी प्रक्रियालाई सहज गराउन सहकारी संस्था सग समन्वय निर्णय भएको बताए ।
त्यस्तै आर्थिक समस्या सामधान गर्दै व्यवसायलाई निरन्तरता दिन घर धनीले असार सम्मको घर भाडा भुक्तान गर्न समय थप गर्नु पर्ने वा २० प्रतिशत छुटको व्यवस्था गरीदिन र घर भाडा बृद्धि गर्न नपाउने निर्णय गरेको नवलपुर उद्योग बाणिज्य संघका अध्यक्ष बैकुण्ठ अर्यालले बताए ।

त्यस्तै भेलााले स्थानीय पालिकाले घर भाडा कर लिदा व्यावसायीक र आवासिय भाड दरको रुपमा बर्गीकरण गरी बाहालकर अन्य पालिकाहरु झै न्युनतम कायम गर्न माग गर्ने , नारायणगढ– बुटबल सडक तोकिएकै समयमा सम्पन्न गर्न सरोकारवालालाई दवाव सृजना गर्ने , कर शिक्षा कार्यक्रमलाई पालिका स्तरमा संचालन गर्ने र व्यावसायीको सरल र सहज रुपमा कार्य सम्पादन गर्न करदाता सेवा कार्यलय स्थापना गर्ने निर्णय गरेको अर्यालले बताए ।
भेलाले जिल्ला उद्योगी व्यपारीको छाता संस्था नवलपुर उद्योग बाणिज्य संघको अस्थायी कार्यालय भत्काउने कार्य निन्दनिय रहेको भन्दै, उचित क्षेतीपुर्ती सहित भुक्तानीको व्यास्था सहित कार्यालयको अस्थायी भवन निर्माण गरी संचालन गर्नै वातावरण सृजना गर्न जिल्ला प्रशासन कार्यालय सग जोडदार माग समेत गरेको छ ।