समाचारको विषयमा पत्रकारलाई मेयरको सचिवालयबाट हात खुट्टा भाँचिदिने धम्की

विराटनगर।सुनसरी बरहाक्षेत्रका पत्रकारलाई बराहक्षेत्र नगरपालिकाका मेयर सचिवालयबाट घरमै गएर ज्यान मार्ने धम्की दिइएको छ । पत्रकार सुविन विश्वकर्मालाई समाचार लेखेको विषयमा मेयर रमेश कार्कीका सचिवालयमा कार्यरत सुरज क्षेत्री र रोहित बस्नेतले घरमै गएर ज्यान मार्ने धम्की दिएका हुन् ।नेपाल पत्रकार महासङ्घ सुनसरीका कार्य समिति सदस्य तथा ग्रामीण पत्रकार समाज वराहक्षेत्रका सचिव विश्वकर्मालाई समाचार प्रकाशित भएपछि क्षेत्रीले भेट्न भनेका थिए ।विश्वकर्माले भेट्न मानेनन् । भेट्न नमानेपछि क्षेत्रीले ‘तिमी बढी भयौ बसेर लामो कुराकानी गर्नु पर्ने छ’ भन्दै फोन राखेका थिए । विश्वकर्माले भेट्न नमानेपछि क्षेत्री घरै पुगेर धम्क्याएको पत्रकार विश्वकर्माले बताए ।

स्कुटी चढेर विश्वकर्माको घर पुगेका क्षेत्रीले ‘तिमी बढी भयौ घरमा रहेछौ बाहिर भए हात खुट्टा भाँचिदिन्छु’ भन्दै धम्क्याएका थिए । स्रोतः नेपाल प्रेस