पुरानो मेडिकल कलेजमा ३२ वर्षिया बिरामीको मृत्यु भएपछि तनाव,आफन्तले बुझेनन शव

चितवन ।चितवनको भरतपुरमा रहेको कलेज अफ मेडिकल साईन्सेस शिक्षण अस्पताल (पुरानो मेडिकल कलेज) मा उपचारको क्रममा एक महिलाको मृत्यु भएपछि अस्पतालमा तनाव भएको छ । खैरहनी नगरपालिका वडा नं.१० बडगाँउकी ३२ वर्षीया शर्मिला हट्वाल उप्रेतीको डाक्टरहरुको लापहरबाहीका कारण ज्यान गएको आरोप लगाउँदै आफन्तहरुले अस्पताल घेराउ गरेका हुन् ।आफन्तले अस्पताल घेराउ गरेपछि अस्पतालमा ठूलो संख्यामा प्रहरी परिचालन गरिएको छ । साउन ९ गते ज्वरो र पिसाब सम्बन्धी समस्याका कारण शर्मिला अस्पतालमा उपचारका लागि भर्ना भएकी थिइन् । मृतकका जेठाजु नमराज उप्रेतीले चिकित्सकले हाईडोजको इन्जेक्सन चलाएको र बिरामीलाई समस्या बढ्दै जाँदा डाक्टर नभएको नहुँदा बिरामी ज्यान गएको बताउनुभयो । उहाँले अस्पतालको चरम लापरवाहीले सामान्य बिरामीको पनि ज्यान गएको बताउनुभयो ।

यसैबीच अस्पताल प्रशासन र आफन्तबीच अहिले वार्ता चलिरहेको छ । प्रहरी घेरामा वार्ता भईरहेको मृतकका आफन्तले बताएका छन् । अहिले अस्पताल परिसरमा आफन्तहरुको ठूलो भिड लागेको छ । मृतक शर्मिलाका श्रीमान् शम्भु उप्रेती, १० वर्ष र ६ वर्षका दुई छोराहरु छन् ।यस सम्बन्धमा कुराकानी गर्न खोज्दा अस्पताल प्रशासनको कोही पनि सम्पर्कमा आउन चाहेनन् ।