भ्रामक प्रचारको विनयी त्रिवेणी गाउँपालिका अध्यक्षद्वारा खण्डन

कावासोती । राष्ट्रसेवक युवराज सफल फेसबुक पेजबाट आफ्नो सम्बन्धमा गलत सन्देश प्रवाह गरिएको भन्दै विनयी त्रिवेणी गाउँपालिकाका अध्यक्ष घनश्याम गिरीले उक्त फेसबुक पोष्टको खण्डन गरेका छन्। । अध्यक्ष गिरी र उनको राजनीतिक सल्लाहकार इन्द्र क्षेत्री सहितको फोटोको दुरुपयोग गर्दै युवराज सफलले आउदैछ स्वतन्त्र नेपाली पार्टी भन्ने आशयको फेसबुक पोष्ट गरेका छन् । काठमाडौंको एक होटलमा खानाखाइ रहेको अवस्थामा आफै परिचय गर्न आएका सफलले सामुहिक तस्विर लिन अनुरोध गरेपछि फोटो खिचेकोमा पछि त्यसलाई इडिट गरी गलत सन्देश प्रवाह गरेको गिरीले बताए।आफु नेकपा एमालेबाट निर्वाचित जनप्रतिनिधि र पार्टीको पालिका कमिटी अध्यक्ष भएको भन्दै उनले यस किसिमका भ्रामक प्रचारबाट भ्रमित नहुन समेत अनुरोध गरे ।

राष्ट्र र राष्ट्रियताको लागि नेकपा एमालेको विकल्प हुन नसक्ने उनले बताए ।फेसबुक पोष्टको सम्बन्धमा सम्बन्धीत व्यक्तिलाई हटाउन अनुरोध समेत गरिएको भन्दै पोष्ट नहटे कानुनी उपचारमा जाने गिरीका स्वकीय सचिव संगम गिरीले बताए ।फेसबुक पोष्टको सम्बन्धमा सम्बन्धीत व्यक्तिलाई येस्तो भ्रामक पोस्ट गरेता पनि भुलत्रुटि मनुष्य बाट नै हुने हुँदा व्यवहारिक संशोधन अनि आत्मालोचना गर्ने सुअवसर सम्बन्धित व्यक्ति युवराज सफललाइ दिइने कुरा अध्यक्ष गिरिले बताए। ।