बजेट अभावले ‘डे केयर’ सेन्टर सञ्चालनमा आएन

मीनाक्षी कंडेल ,  कावासोती ।   पुर्वी नवलपरासीको कावासोतीमा रहेको अपाङ्गगता पुर्नस्थापना केन्द्रमा डे केयर सेन्टर सञ्चालनमा आउन सकेको छैन् । जिल्लामा रहेका मस्तिष्क पक्षघात भएका बालबालिकाहरुको शारिरीक अवस्था पुनःसुस्त नहोस् भन्ने हेतुले सञ्चालन गरिएको डे केयर सेन्टर (दिनमा हेरचाह गरिने ठाँउ ) आवश्यक बजेट अभावका कारण सञ्चालनमा आउन नसकेको हो । मस्तिष्क पक्षघात स्वालम्वन समाजको समन्वयमा उक्त अपाङ्गगता पुर्नस्थापना केन्द्र नवलपुरको कार्यालय परिसरमा सञ्चालन गरिदै आएको थियो ।

कोरोना महामारी लगत्तै बन्द भएको उक्त डे केयर सेन्टर ४ बर्षसम्म पनि सञ्चालनमा आउन सकेको छैन । समन्वय संस्थाले कार्यक्रमका लागि प्रशिक्षक र बालबालिकाका लागि आवश्यक खेलकुद सामाग्री जस्ता कुरा उपलब्ध गराउन सहयोग पु¥याए पनि टाढादेखि आउने बालबालिकालाई दिनहुँ आउजाउ गर्न आर्थिक समस्या हुने हुँदा सोही कारण कार्यक्रम नियमित गर्न असमर्थ रहेको अपा·गता पुर्नस्थापना केन्द्र नवलपुरका अध्यक्ष दिननाथ भुसालले जानकारी दिए ।

मस्तिष्क पक्षघात भएका बालबालिका बिभिन्न खेलकुद सामाग्रीको प्रयोग गर्र्दै खेल्दै, पढ्न मन पराउने हुँदा डे केयर सेन्टरद्धारा उनीहरुलाई शारीरिक व्यायामसँगै शैक्षिक क्रियाकलापमा समेत सहयोग पु¥र्यादै आएको थियो । विशेषतः गैडाकोटदेखि चोरमारासम्मका बालबालिका उपस्थित हुदै आएकोमा हाल अभिभावकलाई डे केयर सेन्टर समक्ष आउन जान समेत आर्थिक समस्या हुने र संस्थाले पनि उपलब्ध गराउन नसक्दा उक्त सेन्टर पुनःसञ्चालनमा ल्याउन समस्या भएको हो ।