पिठौली स्वास्थ्य चौकीद्धारा आँखा पाक्ने रोग सम्बन्धि विद्यार्थीहरुलाई सचेतना

कावासोती। कावासोती नगरपालिकाको पिठौली स्वास्थ्य चौकीले आँखा पाक्ने रोग सम्बन्धि बिद्यार्थीहरुलाई सचेतना सम्पन्न गरेको छ ।कावासोती १२ मा रहेको पिठौली स्वास्थ्य चौकीले बालबालिकाहरुमा पछिल्लो पटक देर्खिएको आँखा पाक्ने रोगबाट जोगिने उपायको बारेमा सचेतना कक्षा सम्पन्न गरेको हो।कावासोती १२ मा रहेको सन्तुदेवि आधारभूत विद्यालय र राजरत्न आधारभूत विद्यालयमा सचेतनामुलक कार्यक्रम गरिएको स्वास्थ्य चौकीका अनमी अम्सु श्रेष्ठले बताए ।

बालबालिकाहरुमा पछिल्लो पटक महामारीको रूपमा फैलिएको र यसको रोकथामको लागि मुख्य कुरा सरसफाई नै भएकोले यो कक्षा सन्चालन गरिएको उनले बताए ।सरसफाईमा ध्यान दिन र कस्तो अवस्थामा औषधि प्रयोग गर्ने भन्ने बारेमा घरका सदस्यलाई पनि थाहा हुने भएकोले सचेतना कक्षा प्रभावकारी हुने स्वास्थ्य चौकीले बताएको छ ।बालबालिका र अन्य व्यक्तिले पनि सिक्ने विषय भएकाले सकेसम्म आँखा पाक्ने रोगको संक्रमणबाट जोगिन र संक्रमित भए नजिकैको स्वास्थ्य चौकीमा गएर सेवा लिन वडाले सूचना गरिरहेको कावासोती १२ का वडा अध्यक्ष दिपेश खनालले बताए ।