विधान मस्यौदा पेस गर्न कांग्रेस केन्द्रीस समिति बैठक बस्दै

काठमाडौं : नेपाली कांग्रेसको केन्द्रीय कार्यसमिति बैठक आइतबार बस्ने भएको छ। मंसिर २८ देखि महासमिति बैठक तोकेको कांग्रेसले त्यसको तयारीका लागि बैठक बोलाएको हो। बैठकमा कांग्रेसको विधान परिमार्जनका लागि गठन भएको विधान मस्यौदा समितिले तयार पारेको मस्यौदा पेस हुनेछ। आइतबार बस्ने केन्द्रीय समिति बैठकपछि मस्यौदामाथि पार्टीले औपचारिक छलफल सुरु गर्ने कांग्रेस नेता विमलेन्द्र निधिले जानकारी दिए। मस्यौदा विधानमा छलफल हुने भएकाले केन्द्रीय सदस्यलाई काठमाडौंबाहिर नजान निर्देशनसमेत दिएको छ। विधान मस्यौदा समितिले मस्यौदामा सहमति जुटाउन नसकेका कारण विकल्पसहितको प्रस्ताव केन्द्रीय समितिमा पेस हुनेछ।