सुनको भाउ बढ्यो

काठमाडौँ – सुनको भाउ बढेको छ । नेपाली बजारमा छापावाल सुन तोलाको चार सय रूपैयाँले बढेको हो ।

नेपाल सुनचाँदी व्यवसायी महासंघका अनुसार छापावाल सुन आइतबार तोलाको एक लाख १८ हजार ४०० मा कारोबार भइरहेको छ । शुक्रबार सोही सुन तोलाको एक लाख १८ हजारमा कारोबार भएको थियो ।

यस्तै तेजावी सुन तोलाको एक लाख १७ हजार ८५० मा कारोबार भइरहेको महासंघले जनाएको छ । सोही सुन अघिल्लो दिन एक लाख १७ हजार ४५० मा कारोबार भएको थियो । यस्तै, चाँदी तोलाको एक हजार ३९० मा कारोबार भइरहेको महासंघले जनाएको छ ।