बालिका बलात्कारको आरोपमा मध्यविन्दुबाट ७ जना पक्राउ, पक्राउ पर्नेमा एक जना महिला पनि

चोरमारा । मध्यविन्दु नगरपालिकाकी एक बालिकालाई विभिन्न समयमा बलात्कार गर्ने ६ जना र त्यसमा सहयोग गर्ने एक जना महिलालाई नवलपुर प्रहरीको गिरफ्तार गरेको छ ।
१४ वर्षीया बालिकालाई विभिन्न समयमा बलात्कार गरेको आरोपमा प्रहरीले भारतिय नागरिक २२ वर्षीय अभिमन्यु कुमार सहित मध्यविन्दु नगरपालिका–६ का २२ वर्षीय मिलन मगर, १८ वर्षीय विष्णु महतो र १७ वर्षीय एक जना बालक र घटनामा सहयोग गरेकोमा आरोपमा २३ वर्षीय लक्ष्मी कुमाललाई कात्तिक १२ गते र घटनामा संलग्न थप दुई जना बालकलाई कात्तिक १३ गते गिरफ्तार गरेको हो ।
१४ वर्षीया बालिकालाई बिभिन्न समयमा भएको बलात्कारको घटनामा अहिले नवलपुर प्रहरीले अनुसन्धान गरिरहेको जिल्ला प्रहरी कार्यालय नवलपरासी (बर्दघाट सुस्ता पूर्व) का एसपी प्रकाश मल्लले बताउनुभयो । आरोपित सबैलाई प्रहरी हिरासतमा राखेर उनिहरुसंग सोधपुछ गरिरहेको नवलपुर प्रहरीले पीडित बालिकालाई आवश्यक मनौबैज्ञानिक परामर्श सहित घटनाको बिषयमा जानकारी संकलन गरिरहेको छ ।
पीडित बालिका माथि एक महिना अगाडी देखि बिभिन्न व्यक्तिहरुबाट बलात्कार भएको अनुसन्धानको क्रममा खुलेको प्रहरीले जनाएको छ । प्रहरीले कात्तिक १२ गते बिहान घटनाको बिषयमा जानकारी प्राप्त गरेको थियो ।
भारतिय नागरिक अभिमन्यु कुमारसंग पीडित बालिका देखेपछि मध्यविन्दु–६ का स्थानीयले बालिकालाई बेचबिखनमा लैजान लागेको हुन सक्ने शकामा चोरमारा प्रहरी चौकीमा खबर गरेका थिए ।
स्थानीयबाट प्राप्त खबरको आधारमा प्रहरीले बालिकाको उद्दार संगै आरोपित कुमारलाई गिरफ्तार गरेको थियो । बालिकाको उद्दारपछि सोधपुछको क्रममा बालिका माथि बिभिन्न समयमा विभिन्न व्यक्तिहरुबाट बलात्कार भएको घटना उजागर भएको थियो ।
पीडित बालिकाले मैखिक रुपमा गराएको जानकारी अनुसार प्रहरीले घटनामा सहयोगीको रुपमा भूमिका निर्वाह गरेको आरोप लागेकि लक्ष्मी कुमाल सहित आरोपित अन्य व्यक्तिहरुलाई गिरफ्तार गरेको हो ।
१४ वर्षीया बालिका माथि भएको बलात्कार घटनाको बिषयमा अहिले प्रहरीले गम्भीरता पूर्वक अनुसन्धान गरिरहेको एसपी मल्लले बताउनुभयो । घटनाको बिषयमा अनुसन्धानको क्रममा रहेको भन्दै उहाँले पीडित बालिका माथि भएको घटनामा संलग्नहरुलाई कानुनी उपचारको दायरामा ल्याउन प्रहरी गम्भीर भएको लागेको बताउनुभयो ।