६१ हजार पर्यटक अमलटारी होम स्टेमा भित्रिए

दयाराम आचार्य
कावासोती । होम स्टे(घरबास ) शुरु गरेपछी कावासोती अमलटारी बागखोर क्षेत्रको मुहारनै फेरीएको छ । होम स्टेमा आउने पर्यटको संख्या समेत उल्लेख्य रहेको छ । घरबास कार्यक्रमले यहांका स्थानियको आर्थिक अवस्था बजबुत मात्र बनेको छैन,यहांका समुदायका व्यक्तिको व्यत्तित्व र क्षमता अभिवृद्धीमा समेत ठुलो सहयोग पुग्दै आएको छ । पहिले नारायणीको माछा मारेर जिवन चलाउने बोटे समुदाय र कृषिमा पेशमा निर्भर थारु समुदायको अहिले आम्दानीको स्रोत यहां आउने पर्यटक बन्े गरेका छन् । थारु तथा बोटे समुदायको सस्कृतीको अवलोक,थारु परिकारको स्वाद र चितवन राष्ट्रिय निकुञ्ज मध्यवर्ती क्षेत्रका गैंडा लगाएतका वन्यजन्तुको अवलोकनका लागि यहां प्रसस्त मात्रामा स्वदेशी तथा विदेशी पर्यटकहरु आउने गरेका छन् । घरबासका कारण सामाजिक रुपमा समेत विकाश भएको छ । अरु व्यक्त संग बोल्न समेत नखोज्ने यहांका महिला अहिले पर्यटकको स्वागतमा व्यस्त देखीन्छन् । वातावरण र सरसफाईमा समेत सचेत वनेका छन् । आर्थिक अवस्था मजवुत बने संगै यहांका बालवालिकाको शिक्षामा पहुंच समेत बढेको छ ।

थारु सस्कृतीको अवलोकन संगै वन र वन्यजन्तुको अवलोकनका लागि यहां धेरै मात्रमा पर्यटक आउने कारणले यहां स्थानिय आफ्ना सास्कृतीक परम्परा जोगाउन जति लागि परेका छन् सोही अनुसारमा यहांका वन र वन्यजन्तु जोगाउन समेत हातेमालो गरेर अगाडी बढेका छन् । पहिले वन्यजन्तु चोरी शिकारका लागि धेरै व्यक्ति आउने गरेको भएपनी अहिले सबै समुदाय यसरको सुरक्षका लागि संरक्षणका लागि जुटे संगै यस आसपासमा गैंडाको संख्यामा समेत वृद्धि भएको कावासोती नगरपालिका उप–प्रमुख एवं अमलटारी होम स्टेका अध्यक्ष प्रेमशंकर मर्दनीया थारुले बताए ।

काठचोरीका कारण उजाड बनेका यस क्षेत्रका वन अहिले हरीयाली र सुन्दर भएको र वन्यजन्तुपनी सहज रुपमा अवलोकन गर्न सकिने अवस्था भएको उनंले बताए । सन् २०१४ बाट यहां घरबास कार्यक्रम शुरु गरिएको हो । यहां अहिले २४ ओटा घरमा आवासको सुविधा रहेको छ । प्रत्यक घरमा दुई दुई ओटाका दरले कोठाहरु रहेका छन् । यहां आउने एक जना व्यक्तीले रु नौ सय ५० रुपैयामा एक दिनको बसाई वस्न सक्ने घरवासका व्यवस्थापक धनीराम गुरौले बताए । स्वदेशी तथा विदेशी पर्यटकको आकर्षण अमलटारी घरबासमा भए संगै अहिले छ ओटा घरमा आवाश थप्न लागिएको व्यवस्थापक गुरौले बताए । यहां आउने पर्यटकहरुका लागि जिप थारु सस्कृती अवलोकन,जिप सफारी,हात्ति सफारी,डुङ्गा सयर,गोरुगाढामा थारु गाउं अवलोक लगाएतका धेरै सुविधाहरु रहेको व्यस्थापक गुरौले बताए ।

घरवासमा साठी हजार पर्यटक भित्रिए

घरवास कार्यक्रम संचालन गरेको पांच वर्षको समयमा यहां ६० हजार बढी पर्यटक भित्रिएका छन् । घरवास कार्यक्रमका व्यवस्थापक धनीराम गुरौका अनुसार पहिलो वर्ष नौ हजार सात सय पर्यटक घरवासमा आएका थिए । सन् २०१५ मा १० हजार ८७५ , २०१६ मा १४ हजार १३१, २०१७ मा १३ हजार ९३० र २०१८ को हाल सम्ममा १२ हजार ९३५ पर्यटक गरि कुल ६१ हजार ५७१ पर्यटक घरवासमा आएका छन् । जस मध्य नेपाली ६० हजार ५२१ ,सार्क मुलकबाट तीनसय पचास र अन्य मुलुकबाट सात सय पर्यटक भित्रिएको व्यवस्थापन धनीराम गुरौले बताए । यो अवधिबाट घरवासले रु ४६ करोड सत्तरी हजार ६५५ आम्दानी गरेको उनले बताए । आम्दानीको चार प्रतिशत संरक्षण,एक प्रतिशत शिक्षा र एक प्रतिशत यस क्षेत्रको स्वास्थ्य सुधारमा लगानी गर्दै आएको व्यस्थापक गुरौले बताए ।