मालपोत कार्यलय कावासेतीमा सेवा प्रवाहा बिलम्ब

दयाराम आचार्य
कावासोती । सरकारको केन्द्रिय निती अनुसार मालपोत कार्यालय कावासोतीलाई अनलाइन प्रणालीमा ल्याएपनी दक्ष जनशक्ति अभावका कारण सेवाग्राही मर्कामा परेका छन् । अनलाइन प्रणालीमा सेवा शुरु गरेसंगै दक्ष जनशक्ती कम हुदा दैनिक कम्तिमा ४५ ओटा राजीनामा,धितो ,ठाडो रोक्का स्वीकृतका काम हुने गरेका छन् । यस अघि दैनिक रुपमा १ सय पचासको हाराहारीमा राजीनामा,धितो,ठाडो रोक्का लगाएतका कार्यहरु हुदै आएकोमा अनलाइन प्रणालीमा लगेसंगै मालपोत कार्यालयबाट हुने सेवा प्रवाहामा कमि आएको छ ।
अहिले कुनै पनि काम सम्पन्न गर्नका लागि छ ,सात दिन लाग्ने गरेको छ । अनलाईन प्रणालीमा जादा कर्मचारीहरु अध्यस्त हुन नसक्दा समस्या भएको मालपोत कार्यालय कावासोतीका प्रमुख अशोक कुमार भट्टराईले बताए । उनका अनुसार सर्भर ढिलो गरि चल्ने,नेटको समस्याका कारण समेत सेवा प्रवाहामा समस्या हुदै आएको छ । अनलाईन प्रणालीमा काम गर्दा अहिलेको जनशक्ति अभाव भएको प्रमुख भट्टराईले बताए । मालपोत कार्यालय कावसोतीमा २९ जना कर्मचारीको दरबन्दि रहेपनी हाल २३ जना मात्र कर्मचारी रहेका छन् । प्रमुख भट्टराईका अनुसार बिभागमा कर्मचारी थपका लागि अनुरोध गरिएको र कर्मचारी थप भएमा पहिले जस्तै गरि सेवा प्रहावागर्न सकिने बताए । कार्यालय प्रमुख भट्टराईका अनुसार सहज रुपमा पहिलेको जस्तै सेवा प्रवाहा गर्नका लागि कम्तिमा तीन महिना लाग्ने छ । कर्मचारी अनलाईन प्रणालीमा अभ्यस्त हुने र थप कर्मचारीको समेत व्यवस्थापन गरे संगै तीन महिनामा यस्तो समस्या हटने उनले बताए ।
मालपोत कार्यालय कावासोतीले सेवाग्राहीको काम सहज रुपमा छिटो गर्नका लागि टोकन प्रणाली संचालन गरेको छ । प्रत्यक दिन निवेदन दिनेको नाम क्रमश दर्ता गर्दै क्रमबद्ध रुपमा निवेदकको काम गर्दे आएको छ । दर्ता भएका निवेदनका आधारमा कार्यालय समय शुरु हुनुपूर्व सो दिनमा काम हुने निवेदकको नाम प्रकाशित गरि सोही अनुसार काम गर्दै आएको छ । तर सेवाग्राहीले भने कुन दिन आफ्नो काम हुने हो भनेर चार ,पा“च दिन धाउन परेको गुनासो गरेका छन् । कतिपय सेवाग्राहीले टोकन अनुसार भन्दा पनि केही कर्मचारी र लेखापढीको मिलेमतोमा पालो मिच्दै आफ्ना फाईलहरुको मात्र काम गर्ने गरेको गुनासो गरेका छन् । कार्यालय प्रमुख भट्टराईले भने यस्तो कार्य हुन नदिन आफु सजग रहेको र क्रमअनुसारनै सेवाग्राहीलाई सहज रुपमा सेवा दिनका लागि कर्मचारीलाई निर्देशन दिएको बताए ।