प्रहरीको सिपाहीले ट्राफिक हवल्दार कुटे

भबिश्वर पाण्डे
कावासोती। नवलपरासी पूर्बि जिल्ला नवलपुरमा जनपथ प्रहरीको सिपाही ( जवान)ले ट्राफिक प्रहरीको हवल्दारलाई कुटेका छन् । आज (शुक्रबार ) बिहान ९ बजेको समयमा जिल्ला प्रहरी कार्यालय नवलपुर अन्र्तगतको ईलाका प्रहरी कार्यालय त्रिबेणीमा यस्तो घटना घटेको हो । स्रोतका अनुसार ईलाका प्रहरी कार्यालय त्रिबेणीका प्रमुख प्रहरी नायब निरीक्षक राजबाबु यादबले ट्राफिक प्रहरीको हवल्दार आन्नद कुमार उपाध्यायलाई सहयोग मागेको सहयोग गर्ने क्रम त्यही कार्यरत जवान धर्मेन्द्र यादबले ट्राफिक हवल्दार उपाध्यायलाई कुटेका हुन् ।
जवान धर्मेन्द्र यादब जिल्ला प्रहरी कार्यालय नवलपुरबाट घुमुवामा खटाएको स्रोतको दाबी छ । गण्डकी प्रदेश र नवलपुर जिल्लाको भारत सँग जोडिएको नाका त्रिबेणीमा रहेको प्रहरी कार्यालयमा यस्तो घटना घटेको हो । जवान यादबले ट्राफिक हवल्दार उपाध्यायलाई अपशब्दमा गालि गलोज गदै कुटेका हुन् । बिएसी पास समेत गरी सकेका हवल्दार उपाध्यायलाई ईलाका प्रहरी कार्यालय त्रिबेणीका प्रमुख राजबाबु यादबले लेख्ने काम गर्न लगाएको तर सोही समयमा जवान धर्मेन्द्र यादबले अपशब्द बोल्दै कुटेको स्रोतले जनाएको छ । यता ईलाका प्रहरी कार्यालय त्रिबेणीका प्रमुख राजबाबु यादबले जवान धर्मेन्द्र यादबले हवल्दार उपाध्यायलाई दुब्र्यवहार गरी सामान्यरुपमा मात्र कुटेको बताएका छन् । यता जिल्ला प्रहरी कार्यालय नवलपुरका सुचना अधिकृत लीलाराज लामीछानेले यस बिषयमा जवान धर्मेन्द्र यादबलाई जिल्ला प्रहरी कार्यालय नवलपुरमा तानि कावाहि गर्ने बताएका छन् । त्रिबेणी क्षेत्रका स्थानियको माग बमोजिम केही साता अगाडि मात्रै सिमान क्षेत्रमा पर्ने सो ठाँउमा ट्राफिक प्रहरी खटाईएको थियो । अहिले स्थानियले सो क्षेत्रमा ट्राफिक प्रहरीको कार्यलाई प्रशांसा समेत गरेको समयमा आफ्नै प्रहरी जनावबाट हवल्दार कुटिएका हुन् ।