बुलिङटारको जड्याहा प्रधानाध्यापक बर्खास्त

दयाराम आचार्य
कावासोती । छात्रवृतीको रकम , शिक्षकको तलब दुरुपयोग गरेको तथा विद्यालयमा मदिरा सेवन गरि आउने गरेका प्रधानाध्यापक बर्खास्तमा परेका छन् । नवलपरसी बुलिङटार गाउंपालिका तीन कोटथरमा रहेको बाल बिद्या मन्दिरका प्रधानाध्यापक निरज बस्ताकोटीलाई प्रधानाधयपक पदबाट बर्खास्त गरिएको हो ।
छात्रवृतीका रकम , शिक्षकको तलब दुरुपयोग गरेको तथा विद्यालयमा मदिरा सेवन गरि आउने गरेको भन्दै अभिभावकले विद्यालयमा अनिश्चितकालिन तालाबन्दि गरेका थिए । प्रधानाध्यापकले अनियमितता गरेको समाचार यस नमुना पोष्टमा प्रकाशित भए पछि शिक्षा विकास तथा समन्वय इकाइले लिखित जवाफ सहित उपस्थितिका लागि पत्र काटेको थियो । प्रधानाध्यापक निरज बस्ताकोटीले चित्तबुझ्दो जवाफ पेश नगरेको भन्दै इकाइ प्रमुख कृष्णचन्द्र पोखे्रलले प्रधानाध्यापक पदबाट बर्खास्त गरिएको जानकारी दिएका छन् । प्रधानाध्यापक पदबाट बर्खास्तमा परेका निरज बस्ताकोटीले शिक्षक पदमा काम गरेको नपाईएमा शिक्षक पेशाबाटनै अवकाश गरिने इकाइ प्रमुख पोख्रेलले जानकारी दिए । प्रधानाध्यापक निरज बस्ताकोटीलाई बर्खास्त गरि विद्यालयको प्रधानाध्यापकको रुपमा शिक्षक दामोदर देवकोटालाई जिम्मेवारी प्रदान गरिएको उनले जानकारी दिए ।