कानुनको ध्वजी उडादै कृषि प्रयोजनको ट्रयाक्टर

कावासोती । अवैधानिक रुपमा सञ्चालित सिरक डसना बनाउने उद्योगलाई नियन्त्रण गर्न कपास तथा सिरक डसना व्यवसायीले माग गरेका छन । अवैधानिक रुपमा सञ्चालित उद्योगहरुका कारण राज्यलाई राजस्व तिरेर सञ्चालनमा आएको कपास तथा सिरक डसना उद्योगहरु धरासायी हुन थालेको व्यवसायीको गुनासो छ । कपास तथा सिरक डसना उद्योग व्यवसायी संघ चितवनले शनिवार कावासोतीमा पत्रकार सम्मेलनको आयोजना गर्दै मापदण्ड विपरित सञ्चालित उद्योगलाई मापदण्डमा ल्याएर करको दायरामा राख्न समेत स्थानीय सरकारलाइ आग्रह गरेको छ । कृषि प्रयोजनका लागि अनुदानमा ल््याइएका ट्रयाक्टरहरुमा मेशिन जडान गरी खुल्ला आकाशमुनि वातावरण समेत प्रदूषण गर्दै कपास तथा सिरक डसनाहरुका घुम्ती उद्योगहरु सञ्चालन भइरहेको संघकी अध्यक्ष चन्दना कोइरालाले बताइन । बाहिरी मुलुकबाट आएका केही व्यक्तिहरुले अवैधानिक रुपमा उद्योग व्यवसाय सञ्चालन गरेर राज्यलाई कर समेत नतिरी यहाको पैसा बाहिर लैजाने गरेको उनको भनाइ छ ।
बिना स्विकृति, बिना दर्ता र नेपालको औद्योगिक नीति विपरित चलेका सिरक डसनाका घुम्ती उद्योगको नियन्त्रण गर्ने प्रमुख जिम्मेवारी स्थानीय सरकारको भए पनि कुनै वास्ता नगरेको उनले आरोप लगाईन । मापदण्ड विपरित सञ्चालित उद्योगलाई नियन्त्रणको माग राख्दा राज्यलाइ कर तिरेर सञ्चालन गरेका सिरक डसना व्यवसायीहरुलाई प्रहरीले पक्राउ गरेको तथा प्रहरीले अवैद्यानिक रुपमा संचालित घुम्ती उद्योगलाई केहि पैसा लिएर छाड्ने गरेको संघले जनाएको छ ।