त्रिबेणीमा प्रहरीलाई घुसै घुस , गल्ती गर्नेलाई काबार्ही हन्छ ः एसपी थापा

कावासोती । नागरीकको सुरक्षा र कानुन पालना गराउन खटिएको प्रहरी नै कानुन ध्वजी उडाउदै घुस लिने गरेको खुलेको छ । गण्डकी प्रदेश र नवलपुर जिल्लाको भारत सँग सिमा जोडिएको क्षेत्रमा रहेको ईलाका प्रहरी कार्यालयमा त्रिबेणीमा यस्तो घटना देखिएको हो । जिल्ला प्रहरी कार्यालय नवलपरासी बर्दघाट सुस्ता पूर्ब जिल्ला अन्र्तगत पर्ने उक्त्त ईलाका प्रहरी कार्यालयमा केही दिन अघि सम्म कार्यरत रहेका कार्यालय प्रमुख प्रहरी नायब निरीक्षक राजबाबु यादब र प्रहरी जवान धर्मेन्द्र यादबले सिमा क्षेत्रमा घुस लिने गरेको खुलासा भएको हो ।
५ नम्बर प्रदेशको सिमा क्षेत्र रानिनगर अगाडी क्षेत्रमा रहेको बालुवाको घाटगदीबाट ३० वटा टेक्टरबाट प्रहरी नायब निरीक्षक राजबाबु यादब र प्रहरी जवान धर्मेन्द्र यादबले मासिक २ हजारको दरले घुस असुली गर्ने गरेको स्रोतको दाबी छ । उक्त्त दुई प्रहरीले भारती क्षेत्रबाट नेपाल भित्रिने लागुऔषदबाट समेत रकम लिने गरेको स्रोतको दाबी छ । लागुऔषद लिएर नेपाल पसेका ब्यक्त्तिलाई उक्त्त ईलाका प्रहरी कार्यालयका जवान र हवल्दारले प्रकाउ गरी प्रहरी कार्यालय लागी मुद्दा र जेल हुने भन्दै डराउन दिई लागुऔषदको परिमाण अनुसार रकम असुली गर्ने गरेको स्थानीयले आरोप लगाएका छन् । राति १० देखी १२ बजे सम्म होटल खोल्न दिने र प्रत्यक होटलबाट मासिकरुपमा रकम असुल्ने गरेको होटल ब्यवसायीले बताएका छन् । त्रिबेणी सिमा पारी भारतमा मदिरा रोक भएको कारण नेपालको त्रिबेणीमा सो क्षेत्रका होटलहरुमा भारतीयले मदिरा पिउन आउने गर्दछन् । साथै सो क्षेत्रको काठ ब्यवसायी सँग मिली अबैध काठ ५ नम्बर प्रदेशको सिमाना कटाउने गरेको स्रोतको दाबी छ । भारतको बिहार र युपी क्षेत्रको चोरीका गाडी सञ्चालकहरुसँग समेत रकम असुली गर्ने गरेको र सो क्षेत्रमा रहेको ईरेक्सा सञ्चालक समितीबाट मासिक १० हजार भारु रकम असुली गर्ने गरेको खुलेको हो । साथै बस काउन्टरबाट मासिक ५ हजार ति दुई प्रहरी नायब निरीक्षक राजबाबु यादब र प्रहरी जवान धर्मेन्द्र यादबले दिने गरेको स्रोतको दाबि छ । यस बिषयमा प्रहरी नायब निरीक्षक राजबाबु यादबले यो सबै आरोप गलत रहेको बताएका छन् । आफु उक्त्त कार्यालयमा हुदा यस्तै कुनै अबैध कार्यबाट रकम असुली नगरेको यादबले जनाएका छन् । केही दिन अघि मात्रै जिल्ला प्रहरी कार्यालय नवलपरासी बर्दघाट सुस्ता पूर्बका प्रमुख रमेश थापाले ति दुई जना प्रहरी नायब निरीक्षक राजबाबु यादब र प्रहरी जवान धर्मेन्द्र यादबको बिषयमा जनगुनासो बढे पछि सो क्षेत्रबाट हटाई कार्यालय प्रमुखको रुपमा कृष्ण शाहालाई कार्यालय प्रमुख बनाई खटाएका छन् । अहिले उक्त्त क्षेत्रबाट हटाईएका जना प्रहरी नायब निरीक्षक राजबाबु यादब ईलाका प्रहरी कार्यालय नयाबेलाहानीमा खटाईएको छ भने जवान धर्मेन्द्र यादबलाई सोही ठाँउमा कार्यरत ट्राफिक प्रहरी हवल्दार आन्नद कुमार उपाध्यायलाई कुटेको आरोपमा गण्डकी प्रदेश कार्यालयमा तानेको छ । जिल्ला प्रहरी कार्यालय नवलपरासी पूर्बका प्रहरी प्रमुख रमेश थापाले गल्ती गर्ने जुन सुकै प्रहरीलाई काबार्ही हुने बताएका छन् । उक्त्त क्षेत्रको घटनाको बिषयमा जिल्ला प्रहरी कार्यालयका प्रहरी निरीक्षक राजेन्द्र अधिकारीको सयोंजकत्वमा छानबिन समीति गठन गरएको र उक्त्त समितिको प्रतिबेदनको आधारमा काबार्ही गर्ने प्रहरी प्रमुख थापाले बताएका छन् ।

नमुना सन्देश साप्ताहिकमा खबर छ