पानीको ट्याङ्की खस्दा चिसा खादै गरेकाको मृत्यु

कावासोती । पूर्बि नवलपरासीको कावासोती १६ गैराटोलमा पानी ट्याङ्की खस्दा एक जना को मृत्यु भएको छ भने एक जना घाईते भएका छन् । कावासोती गैराटोलका केशव रिमालको रिमाल एण्ड क्यारेट पोल्ट्रीमा रहेको भवनको दोश्रो तलाको पानी ट्याङ्की भत्किएर खस्दा घरको तल चिसा खाएर बस्दै गरेका कावासोती १६ गैराटोल बस्ने ४० वर्षीय कृष्ण प्रसाद अधिकारीलाई लागेर मृत्यु भएको हो । उनको उपचारको क्रममा मध्यविन्दु अस्पताल डण्डामा मृत्यु भएको प्रहरी नायव उपरिक्षक लिलाराज लामिछानेले बताए । पानी ट्याङ्कीले पर्खाल भत्किएर लाग्दा डडेलधुरा अजयमेरु गाउपालिका ४ बस्ने ३२ वर्षीय सिदराज ऐर घाईते भएका छन् । उनको भरतपुरमा उपचार भइरहेको छ । कुखुराको क्यारेट उत्पादन गर्ने उद्योगमा दुवै जना कामदारको रुपमा रहेको प्रहरीले जनाएको छ ।