प्राबिधिक शिक्षा संचालन गर्न भानुदय मावि दुम्किवासले महायज्ञ गर्ने

कावासोती । प्राबिधिक तथा बिज्ञान शिक्षा संचालनको लागि भानुदय माध्यमिक बिद्यालय बिनयी त्रिबेणीले आयोजना गरेको धनधान्याचल महाज्ञको तयारी तिब्र पारिएको छ । १ हजार ८ मूल समिति र २५ बटा विभिन्न उप समिति गठन गरेको मूल समितिले सोमबार पत्रकार सम्मेलन गदैं महायज्ञको उदेश्य र तयारीबारे जानकारी दिएको हो ।
बिद्यालयमा बिद्यार्थीको आर्कषण बढ्दो अवस्थामा रहेपनि बिज्ञान तथा प्राबिधिक शिक्षा संचालनको लागि भौतिक अवस्था व्यवस्थापन नहुदा बालबालिकाहरु उच्च शिक्षाको लागि बाहिर जान बाध्य रहेकाले मंसिर २२ देखि पौष १ गतेसम्म (नौ दिने) श्रीमद् भागवत् धन धान्याचल विराट ज्ञान महायज्ञ एवम् शैक्षिक महोत्सव २०७५ आयोजना गरिएको पत्रकार सम्मेलनमा जानकारी गराईयो ।
बिद्यालय व्यवस्थापन समितिका अध्यक्ष कृष्ण प्रसाद पाण्डेले गाउँ घरमै बसेर बिज्ञान तथा प्राबिधिक शिक्षा पढ्ने बाताबरण सृजना गर्न महायज्ञ आयोजना गरिएको भन्दै सबैको सहयोग मिल्ने अपेक्षा व्यक्त गरे । पाण्डेले, महायज्ञ सम्पन्न गर्न २० लाख रुपैयाँ खर्च लाग्ने र २ करोड ५० लाख रकम संकलन हुने बताए ।
बिद्यालयका प्रधानाध्यापक मोहनलाल कलवारले बिद्यालयको भौतिक अवस्था कम्जोर हुँदा बिद्यार्थीहरु संख्या बृद्धि गर्न नसकिएको बताए । कलवारले, भने यहाँका हरेक बिद्यार्थी र अभिभावको चाहाना छ दुम्बिकासमा बिज्ञान तथा प्राबिधिक शिक्षा संचालन गर्नुपर्छ, सधै बाहिर गएर अध्ययन गर्न सम्भव हुँदैन खर्चिलो पनि हुन जान्छ, बाहिर गएर पढ्न सामान्य परिवारले सक्दैनन् ।
बिद्यालयमा आयोजित पत्रकार सम्मेलनमा बिनयी त्रिबेणी गाउँपालिका अध्यक्ष डम्बर बहादुर जिसीले गाउँपालिकाले महायज्ञको सक्दो सहयोग गर्ने प्रतिबद्धता व्यक्त गरे । उनले, भने गाउँपालिका भित्रको शिक्षा माथि उकास्ने बिषयमा आफू गम्भिर रहेको भन्दै सम्पूर्ण गाउँबासीलाई फेरि एक पटक शिक्षाको लागि जुट्न आग्रह गरे ।
प्रखर यूवा वाचक पण्डित श्री ईश्वर रेग्मीको प्रमुख वाचकत्वमा धन धान्याचल बिराट महायज्ञमाको आवश्यक सम्पूर्ण तयारी अन्तिम चरणमा पुगेको बताए । नेपाल सरकारको नमूना बिद्यालय अन्तर्गत रहेको भानुदयमा १ हजार बिद्यार्थी अध्ययनरत रहेका छन् ।