हिंसा विरुद्धको अभियान घरबाटै शुरु गरौं ः सांसद तिलक महत

दयाराम आचार्य
कावासोती । हिंसा बिरुद्धको अभियान घरबाटनै शुरु गर्नुपर्ने प्रतिनिधि सभा सांसद तिलक महतले बताएका छन् । सामुदायिक वन उपभोक्ता महासंघले गण्डकी प्रदेशमा संचालन गरेको लैङ्गीक हिंसा विरुद्धको कार्यक्रमको कावासोतीमा भएको समापन समारोहलाई सम्बोधन गर्दै प्रतिनिधि सभा सांसद महतले हिंसा न्यूनिकरणका लागि हिंसा बिरुद्धको अभियान घरबाटनै शुरु गर्नुपर्ने बताएका ह’न् । ‘घरबाट हिंसा विरुद्धको अभियान शुरु गर्यौं भने ,गाउ ,टोल हुदै देश भरि अभियान चल्छ र हिंसारहित देश बन्छ’ प्रतिनिधि सभा सांसद महतले भने । कार्यक्रममा बोल्दै उनले सामुदायिक वनका कारण वन क्षेत्रको विस्तार भएको समेत बताए । समुदाय स्तरबाट वन जोगाउन थालेका बिभिन्न अभियानका कारण वन क्षेत्र विस्तार हुदै गएको उनले उल्लेख गरे । उनले सामुदायिक वनका कारण वन क्षेत्रको विस्तार संगै समाजमा विकासका काम,विपन्न ,असाहयहरुको क्षेत्रमा लगानी भएको बताए ।
कार्यक्रममा बोल्दै गण्डकी प्रदेश सभा सदस्य विष्णु लामिछानेले लैङ्गीक हिंसा न्यूनिकरणको दायित्व सरकारको हुने र त्यसमा सबैले सरोकार राख्नुपर्ने बताए । उनले लैङ्गीक हिंसाका बारेमा हुने कार्यक्रममा महिला संगै पुरुषलाई समेत राखेर कार्यक्रम गर्नुपर्नेमा जोड दिए । यसले महिला ,पुरुष दुवैलाई हिंसाका बारेमा बुझ्न मद्धत मिल्ने र न्यूनिकरणमा सहयोग पुग्ने बताए । सामुदायिक वन उपभोक्ता महासंघकी केन्द्रिय अध्यक्ष भारती पाठकले आर्थिक अवस्था कमजोर हुदा हिंसाबढेको बताईन् । ‘जो गरिव,विपन्न हुन्छ त्यो हिंसाबाट पिडित हुन्छ’ पाठकले भन्नुभयो – महिलाहरु श्रोतमाथिको पहुचको हिसाबले कमजोर हुदा शोषणभईरहेको छ ।
केन्द्रिय अध्यक्षले पाठकले अहिलेको १६ दिने अभियानलाई यसै कारण सामुदायिक वन उपभोक्ता महासंले आर्थिक शसक्तिकरणको पाटो संग जोडेको बताईन् । उनले जल,जमिन र ज¨लमा महिलाको अधिकार हुनपर्ने बताईन् । यसैगरि उनले सामुदायिक वनको हित विपरित कानूनहरु आएमा आफुहरु सडकमा आउन्न बाध्य हुने भन्दै कानून निर्मातालाई सचेत हुन आग्रह गरीन् । समुदायको अधिकार कटौती हुने गरि वनेका कुनै पनि कानून आफुहरुलाई मान्य नुहने उनले बताईन् । ‘संविधानको मौलिक हक भित्र प्राकृतिक श्रोतमा स्थानिय समुदायको अग्राधिकारको बिषयलाई सम्बोधन गरिएको भन्दै यसलाई बिर्सेर कानूनको ड्राफ्ट बनाउन लागे संविधान चिनाउन सडकमा आउन बाध्य हुनेछौ’ अध्यक्ष पाठकले भनिन् ।
सामुदायिक वन उपभोक्ता महासंघले लैङ्गीक हिंसा विरुद्धको १६ दिने अभियानको क्रममा सातै प्रदेशमा कार्यक्रम संचालन गरिरहेको छ । गण्डकी प्रदेशमा मंसिर ९ गने मुस्ता¨बाट शुरु गरेको अभियान आज नवलपुरमा समापन गरिएको हो । महासंघले मंसिर २४ गते काठमाण्डौमा केन्द्रिय स्तरको कार्यक्रम गर्दै छ ।