दुम्किबासमा सुरु भयो धन धान्याचल विराट ज्ञान महायज्ञ ,तिलक महतले ५० लाख दिने घोषण

सुनिता सापकोटा

कावासोती । नवलपुरको बिनयी–त्रिवेणी गाउँपालिका १ दुम्किवासमा रहेको भानूदय नमुना माध्यमिक विद्यालयले शनिबारदेखि श्रीमद्भागवत् धन धान्याञ्चल विराट ज्ञान महायज्ञ एवम शैक्षिक महोत्सव शुरु गरेको छ । विज्ञान संकाय तथा प्राविधिक शिक्षा संञ्चालन सहयोगार्थ आयोजना गरिएको महायज्ञको प्रतिनिधि सभा सदस्य तिलक महतले समुद्घाटन गरे ।

उद्घाटन पूर्व ठूलो संख्यामा दुम्किवासमा शोभा यात्रासहित कलस यात्रा निकालिएको थियो । कलस यात्रामा करिव ५ हजार मानिसहरु सहभागी बनेको प्रचार प्रसार समितिका संयोजक ईन्द्र बहादुर क्षेत्रीले जानकारी दिए। कार्यक्रमको समुद्घाटन गदैं प्रमुख अतिथि महतले बिनयी त्रिबेणीको लागि यो महायज्ञ कोषेढुगां साबित हुने बताए ।

उनले आफ्नो तर्फबाट ५० लाख बिद्यालयको लागि सहयोग गर्ने बताए । कार्यक्रममा प्रदेश सभा सांसद जनकलाल श्रेष्ठले ठाँउठाउमा प्राबिधीक शिक्षा संचालन गर्नको लागि गरिएको धनधन्यान्चलमा सबैले सहयोग गर्नुपर्ने बताए । बिद्यालय व्यवस्थापन समितिका अध्यक्ष कृष्ण प्रसाद पाण्डेको अध्यक्षता रहेको समुद्घाटन समारोहमा समाजसेबी, बुद्धिजिबि, शिक्षापे्रमी, राजनीतिकर्मी, बिद्यार्थी अभिभावक लगायतको उपस्थिति रहेको थियो ।

२२ देखि पौष १ गते सम्म आयोजना हुने महायज्ञमा युवा पंडित इश्वर रेग्मीको मुखारविंदबाट कथाबाचन हुनेछ । महायज्ञको पहिलो दिनमा पनि दान संकलन हुने क्रम शुरु भएको र बिद्यालयले २ करोड ५० लाख संकलन गर्ने लक्ष्य लिएकाले सोही अनुसार सहयोग गर्न मूल समितिले आग्रह समेत गरेको छ । भानुदय मा बि मा जम्मा १ हजार बिद्यार्थी अध्ययनरत रहेका छन् ।

http://stardainik.com  मा समाचार छ