प्रेस युनियन परासीको अध्यक्षमा सुवेदी

कावासोती ।  नेपाल प्रेस युनियन नवलपरासी पश्चिमको अध्यक्षमा पुरुषेत्तमसुवेदी निर्विरोध चयन हुनुभएको छ । आइतबार सम्पन्न अधिवेशनले सुवेदिको अध्यक्षतामा १५ सदस्यीय कार्यसमिति चयन गरेको हो । जसको उपाध्यक्षमा सञ्जिव कोईराला, समावेशी उपाध्यक्षमा उमेश वि.क., सचिवमा प्रकाश न्यौपाने, कोषाध्यक्षमा जीसवन न्यौपाने, सहसचिवमा मनिषा पाण्डे लगायत सबै पदाधिकारी सर्व सम्मत रुपमा चयन भएका हुन् ।अधिवेशनको यद्घाटन कार्यक्रममा नेपाली कांग्रेसका केन्द्रिय सदस्य एवं सभाषद देवेन्द्र राज कंडेल प्रमुख अतिथि रहनुभएको थियो । त्यसैगरी नेपाल प्रेस युनियनका केन्द्रिय अध्यक्ष वद्रि सिग्देल, नेपाल प्रेस युनियनका वरिष्ठ उपाध्यक्ष दिपक आचार्य, नेपाल पत्रकार महासंघका अध्यक्ष होमराज रानाभाट, नेपाल प्रेस युनियनका पूर्व अध्यक्ष श्रीराम सिग्देल, नेपाल प्रेस युनीयन पूर्वका अध्यक्ष विरेन्द्र पराजुली, नेपाल प्रेस युनीयन चितवनका अध्यक्ष अनिल ढकाल, नेपाल प्रेस युनियन रुपन्देही शाखाका अध्यक्ष विक्रम खड्का, नेपाली कांग्रेसका कार्यवाहक जिल्ला सभापति अर्जुन पोख्रेल, नरेन्द्र कुमार गुप्ता, बैजनाथ जैसवाल लगायतको उपस्थिति रहेको थियो ।