दुर्घटना न्युनिकरण गर्न नवलपुर ट्राफिक प्रहरीको सक्रियता बढ्दो

बिजय चालिसे
कावासोती । बढ्दो सवारी दुर्घटना न्युनीकरण गर्न जिल्ला ट्राफिक प्रहरी कार्यालय नवलपुरले सचेतना कार्यक्रमलाई प्रभावकारी रुपमा अघि बढाएको छ । यसैक्रममा बुधवार जिल्ला ट्राफिक प्रहरी कार्यालयले १ सय ५० भन्दा बढी यात्रुबाहक बसका चालकहरुलाई सचेत गराएको छ । पुर्व पश्चिम राजमार्ग अन्तरगत डण्डामा बसका चालकहरुलाई सचेत गराईएको हो ।

यात्रु चढाउने बहानामा अत्याधिक तिब्र गतिमा सवारी चलाउने र जथाभावि ओभरटेक गर्ने क्रम बढेपछि बसका चालकहरुलाई त्यस विषयमा सचेत गराईएको जिल्ला ट्राफिक प्रहरी कार्यालयका प्रहरी प्रमुख प्रहरी निरिक्षक युवराज भण्डारीले जानकारी दिनुभयो । प्रमुख भण्डारीले भन्नुभयोर्,यात्रु चढाउने नाममा चालकहरुले जथाभावि ओभरटेक गर्ने र तिब्र गतिमा सवारी चलाउदा दुर्घटना झनै बढेकाले उनिहरुलाई त्यस विषयमासचेत गराईएको छ’ ।

आगामि दिनमा पनि दुर्घटना न्युनिकरणका लागि ट्राफिक सचेतना कार्यक्रमलाई थप प्रभावकारी बनाउदै लैजाने प्रहरी निरिक्षक भण्डारीको भनाई छ । गण्डकी प्रदेशकै सबैभन्दा बढी दुर्घटना हुने नवलपुरमा पछिल्लो समय झनै दुर्घटना बढेपछि ट्राफिक प्रहरीले चालकहरुलाई सचेत गराएको हो । मंगलबार मात्रै नवलपुरको मध्यविन्दुमा बसले मोेटरसाईकललाई ठक्कर दिदा १ जनाको मृत्यु भएको थियो भने १६ जना भन्दा बढि घाईते भएका थिए ।