नवलपुरमा फेरी दुर्घटना मोटरसाइकलले कार लाई ठक्कर दिदा एक जनाको मृत्यु

कावासोती । पुर्व पश्चिम राजमार्ग अन्तर्गत विनयत्रिवेणी १ अरुणखोला र दुम्किबास जंगल बिचमा मोटरसाईकलले कारलाई ठक्कर दिदा मोटरसाईकल चालकको मृत्यु भएको छ । शुक्रबार (आज) दिउस १ बजेको समयमा पूर्बबाट पश्चिम तर्फ जादै गरेको बा १५ च ६९७६ नम्बरको कारलाई सोही दिशाबाट जादै गरेको लु ३१ प ५०७५ नम्बरको मोटरसाईकलले ठक्कर दिदा मोटरसाईकल चालक पाल्पा तिनहु गाँउपालीका २ दोबाहनका बर्ष १८ का आकाश गीरीको उपचारको क्रममा पुरानो मेडिकल कलेज भरतपुरमा मृत्यु भएको ईलाका प्रहरी कार्यालय नयांबेलाहनीका प्रमुख प्रहरी निरिक्षक धजेन्द्र कार्कीले बताएका छन् ।
त्यस्तै दुर्घटनामा परी मोटरसाईकलमा सवार सोही गाउँपालीका २ का बर्ष १९ का सन्दीप घर्ती मगरको पुरानो मेडिकल कलेज भरतपुरमा उपचार भईरहेको प्रहरीले जनाएको छ ।