कावासोतीमा छोरीको बिवाहमा बिद्यालय बन्द गर्नेसँग स्पष्टीकरण

कावासोती । कावासोती १२ को वाईज भिजन बोडिङ्ग स्कुललाई विना सुचना बिद्यालय बन्द गरेको भन्दै शिक्षा विकास तथा समन्वय इकाइ नवलपुरले स्पष्टीकरण माग गदै पत्र काटेको छ ।
यस नमुना पोष्ट्र डटकममा कावासोतीमा छोरीको बिवाहमा बिद्यालय नै बन्द शिर्षकमा समाचार प्रकाशन भएपछि शिक्षा विकास तथा समन्वय इकाइ नवलपुरले पत्र काटेको हो । शिक्षा विकास तथा समन्वय इकाइ नवलपुरका प्रमुख कृष्ण चन्द्र पोख्रेलले गत सोमबार पत्र काट्दै ७ दिन भित्र स्पष्टीकरण दिन भनेका छन् । गत मंसिर २७ र २८ गते कावासोती १२ पिठौलीमा रहेको वाईज भिजन बोडिङ्ग स्कुलका संचालक तिलकचन सापकोटाले २ दिन बिद्यालय नै बन्द गरेर आफ्नो छोरीको बिवाह गरेका थिए । बिद्यालय संचालन हुने दिनमा बिना सुचना कानुन बिपरीत सापकोटाले आफ्नो बिद्यालय बन्द गराएर छोरीको बिवाह गराएका थिए । बिवाहको तयारी गर्दा मंसिर २७ र २८ गते बिद्यालयको पठनपाठन अबरुद्द भएको थियो । २८ गते बिद्यालय क्षेत्र नै भोजभतेर र बिवाह मण्डपले घेरिएको थियो । बिद्यालय शान्ति क्षेत्र भनिए पनि बिद्यालयका प्रिन्सिपल एवं संचालकले नै बिद्यालयको पठनपाठन अबरुद्द हुने गरी आफ्नो छोरीको बिवाहमा बिद्यालय बन्द गनु दुःखत रहेको सोही बिद्यालयका एक अभिभाबकले बताए । बिद्यालय खोल्ने अनि अफ्नो मनोमानी तरीकाले चलाउने गर्दा गुणस्तरी शिक्षामा समेत प्रभाब पर्ने देखिएको छ ।