नवलपुरको पहाडमा सवारी चलाउने चालक र यात्रुलाई ट्राफिक शिक्षा

कावासोती । जिल्ला ट्राफिक प्रहरी कार्यालय नवलपुरले पहाडमा सवारी चलाउने सवारी चालक र यात्रुहरुलाई ट्राफिक शिक्षा प्रदान गरेको छ । नवलपुरको पहाडी क्षेत्रमा चल्ने सवारीहरुमा अत्याधिक यात्रु राखि यात्रा गराउने गरेको जनगुनासो आएपछि सवारी चालक र यात्रुहरुलाई ट्राफिक शिक्षा दिएको जिल्ला ट्राफिक प्रहरी कार्यालय नवलपुरका प्रमुख युवराज भण्डारीले बताए । आज सोमबार जिल्लाको पहाडी क्षेत्र कुमसोदमा सवारी चालक र यात्रु गरी १३५ जनालाई ट्राफिक शिक्षा दिएको हो ।
चालक र यात्रुहरुलाई पहाडी क्षेत्रमा सवारी चलाउदा र यात्रा गर्दा अति जोखिम हुने भएकाले सवारी क्षमता अनुसार मात्रै यात्रु यात्रा गर्ने आग्रह गरीएको थियो ।  दुर्घटनाको हिसावले नवलपुर गण्डकी प्रदेशको सबै भन्दा बढी दुर्घटना हुने जिल्लाको रुपमा रहेको छ । चालक र यात्रु जब सम्म सचेत हुन सक्दैन तब सम्म दुर्घटना न्युनिकरण हुन नसक्ने भन्दै ट्राफिक प्रहरी कार्यालय नवलपुरले सचेतनाको कार्याक्रम पहिलेको तुलनामा बढी गरेको पाईन छ । सचेतना बोडहरुमा आरक्षण सिट अनुसार यात्रु राखन पर्ने , दुर्घटनाहुने क्षेत्र जनाउने , जेब्रा क्रसिङ्हरु जनाउने जस्ता सचेतनामुलक सन्देश राखिएको छ ।
ट्राफिक प्रहरीले अहिले पहाडी क्षेत्र र पूर्बपश्चिम राजमार्गका सर्बसाधारण , यात्रु र चालकहरुलाई दुर्घटना न्युकरण गर्ने सचेत गराउन सक्रिय भएको जिल्ला ट्राफिक प्रहरी कार्यालय नवलपुरका प्रमुख युवराज भण्डारीले जानकारी दिए ।