नवलपुरको पहाडी क्षेत्र डेढगाउँमा पहिलो पटक रक्तदान

बिर बहादुर बिसी
कावासोती । नवलपुर जिल्लाको पहाडी क्षेत्र बौदीकाली गाउँपालिका डेढगाउँमा पहिलो पटक रक्तदान कार्यक्रम भएको छ ।कृष्ण गण्डकी बचत तथा ऋण सहकारी संस्था लिमिटेडको सातौं बार्षिक उत्सवको अवसर पारी गरिएको कार्यक्रममा ७८ जनाले रक्तदान गरेका हुन । बौदीकाली गाउँपालिकाको आर्थिक सहयोग,कृष्ण गण्डकी सहकारीको आयोजना,नेपाल रेडक्रस सोसाइटी रक्त सञ्चार केन्द्र कास्की पोखरा र रकुवा प्राथमिक स्वास्थ्य केन्द्र डेढगाउँको प्राबिधिक सयोजनमा भएको रक्तदानमा प्रमुख अतिथि बौदीकाली गाउँपालिकाका अध्यक्ष दुर्गा बहादुर रानाले बोल्दै यस गाउँपालिकामा पहिलो पटक आयोजना गरिएको यो मानवीय कार्य उदाहरणिय भएको र यस्ता सामाजिक काममा गाउँपालिकाले सहयोगमा निरन्तरता दिने बताए । सहकारीका अध्यक्ष गम बहादुर घमको अध्यक्षतामा भएको रक्तदानमा बौदीकाली २का वडाध्यक्ष बाल प्रसाद ठाडा,सहकारीका लेखा सञ्योजक श्यामसुन्दर श्रेष्ठ,कार्यक्रमका पहिलो रक्तदाता मनिष बिकले बोल्दै यस्ता कार्यक्रमले समाजमा सकारात्मक सन्देश पुग्ने र रक्तदानले बिरामी तथा आकस्मिक अवस्थाका घाइतेलाई रगतको परिपुर्ति गर्न सकिने तथा नयाँ जीवन दिन पुगिने हुँदा यस्ता कार्यक्रमलाई ग्रामीण क्षेत्रमा निरन्तरता दिनुपर्नेमा जोड दिए । कृष्णगण्डकी सहकारीको प्राङ्गण बौदीकाली २डेढगाउँमा भएको रक्तदानमा १४महिला र ६४जना पुरुषले रक्तदान गरेका थिए। मगलबार बिहान १०बजेदेखि शुरु भएको कार्यक्रममा सरकारी तथा गैरसरकारी संस्थाका कर्मचारी,शिक्षक, बिद्यार्थी स्थानीय बासिन्दा ब्यापारी ब्यबसायिले रक्तदान गरेका हुन ।सहकारी संस्थाका उपाध्यक्ष मेघ बहादुर ठाडाको स्वागतबाट शुरू भएको कार्यक्रमको सञ्चालन सचिब उज्ज्वल ओझाले गरेका हुन ।