नवलपुरको दुम्किबासमा ठूलो परिमाणमा लागुऔषद्य सहित दुई जना पक्राउ

ज्ञानु पंगेनी

कावासोती । नवलपरासी पूर्वको ईलाका प्रहरी कार्यालय दुम्किबासले विहिवार साझ ठूलो परिमाणमा लागुऔषद्य सहित दुई जनालाई पक्राउ गरेको छ ।

बिनयीत्रिवेणी गाँउपालिका १ बेशक्याम स्थित पुर्वपश्चिम राजमार्गमा खटीएको प्रहरी टोलीले सवारी साधन चेकजाँच गर्ने क्रममा पश्चिमबाट पुर्ब तर्फ आउदै गरेका भारतीय नम्बर प्लेटको यु पि ५६ क्यू ६२६८ नम्बरको मोटरसाईकललाई शंका लागेर खानतलासी गर्दा लागु औषद्य फेला पारेको हो ।

मोटरसाईकल चालक नवलपरासी ।पश्चिमको सरावल गँउपालिका सात बस्ने २१ वर्षका ईमामुद्धिन अली र पछाडी सवार गैडाकोट नगरपालिका दुई बस्ने २० वर्षका मन्जित क्षेत्रीले शरीरका विभिन्न भाग र झोलामा लुकाईछिपाई लागुऔषद्य ल्याउदै गर्दा पक्राउ गरेको हो । क्षेत्रीले लगाएको जिन्स पाइन्टको अगाडीको दुबै गोजिमा र पेटमा सेतो टेपले बाधेर लागु औषद्य ल्याएको प्रहरीले जनाएको छ ।

उनीहरुको साथबाट नाईट्रोभेट दुई सय ७ ट्याब्लेट , फेनेरागन ६ एम्पुल , डाईजोपाम ६८ एमपुल , ग्लेनकफ एक सय एम । एलको दुई वटा बोतल , स्प्यारिड दुई सय ५२ टुयाब्लेट र ईप्पल ६८ एम्पुल बरामद गरिएको छ । दुवै जनालाई जिल्ला प्रहरी कार्यालय नवलपरासी पूर्वमा ल्याएर थप अनुषन्धान भईरहेको प्रहरीले जनाएको छ ।