नवलपुरको बोझापोखरीमा ३३ केभि विद्युत प्रशारणगृह बन्दै, निर्माण कम्पनीको लापरवाहीले कामको गति सुस्त

बुलिङटार अगुवा एवम् गाउँपालिका अध्यक्षका उम्मेद्वार विद्रोही गिरीले आउदो दशैंभित्र विद्युतको काम सक्न निर्देशन
बुटवल । नवलपुरको उत्तरी पहाडी भेगलाई लक्षित गरि शुरु गरिएको विद्युत विस्तार योजना ठेकेदार कम्पनीको लापरवाहीका कारण काम शुरु नै हुन सकेको छैन । बोझापोखरी विद्युत विस्तार आयोजनाले जग्गा खरिद गरेर ३३ केभिए प्रशरण गृह निर्माणको सामान्य काम मात्रै गरेको छ । यो वाहेक अरु काम अघि बढ्न सकेको छैन । पहाडी भेगको बुलिङ्गटार र बुङग्दीकाली गाउँपालिकाका बासिन्दालाई लक्षित गरेर दुइ बर्षअघि एसियाली विकास बैंकको ऋणमा यो आयोजना शुरु गरिएको थियो । बर्षोदेखि विद्युतको पर्खाइमा रहेका जनतालाई विद्यतु विस्तार आयोजना शुरु हुने भएपछि उत्साही भएका थिए । तर, कामले गति नै लिएको छैन ।
३३ केभिए प्रशारणलाईन बोझोपोखरीमा बन्ने छ । यहाँबाट विद्युत विस्तार गर्ने आयोजनाले जनाएको छ । विद्युत प्राधिकरण पश्चिम डिभिजन कार्यालय बुटवल, वितरण प्राणाली सुदृढिकरण तथा विस्तार आयोजना बुटवलले २०१९ मार्चसम्मका लागि म्याद थप गरेको जनाएको छ । जग्गा खरिद गरेर ३३ केभिएको प्रशारण लाईनका लागि शवस्टेशन निर्माण थालिएपनि त्यो काम अघि बढ्ेको छैन । बुलिङ्गटार गाउँपालिकाका अगुवा एंव स्थानिय विद्युत विस्तार आयोजनाल् गति लिन नसकेपछि बुटवल आएका विद्रोही गिरीले समयमा काम नगर्ने ठेकेदारलाई कारवाही गर्न माग गरे । विस्तार आयोजना कार्यालयमा डेलिगेशनमा आएका उनले भने –‘आउदो दशैंसम्म जनताले विजुली बाल्न पाउनुपर्छ, यदि त्यो काम गर्न नसक्ने हो भने टेण्डर रद्ध गरेर अर्को कम्पनीलाई दिनुपर्छ ।’ उनका अनुसार विद्युत नहुँदा बुलिङ्गटार, बुङ्दीकाली गाउँपालिकाका नागरिकले कुनै पनि काम गर्न सकेका छैनन ।
कर्णालीका विकट क्षेत्रमा विद्युत विस्तार हुँदा पनि आफ्नो क्षेत्रमा विद्युत विस्तार हुन नसकेको भन्दै प्राथमिकतामा राख्नुपर्ने क्षेत्रमै ठेकेदारले लापरवाही गरेको उनले आरोप लगाए । स्थानीय अगुवा गिरीले आफू बुलिङटार गाउँपालिका अध्यक्षमा उम्मेद्वारमा पराजित भएपनि गाउँको विकासका निम्ति कम्मर कसेर लागेको बताए । उनी बुटवल स्थित विद्युत प्राधिकरण पश्चिम डिभिजन कार्यालय बुटवल आएर तत्तकाल विद्युतको काम गर्न आग्रह गरेपछि आयोजनाले ठेकेदार कम्पनीलाई पत्रचार गरेको छ ।
ठेकेदार कम्पनी जयदुर्गे त्रिपुरेश्वर जेभिका म्यानेजर सागर लुइँटेललाई भने पटक पटक फोन गर्दा पनि सम्पर्क हुन सकेन । सर्वसाधरणले योजना सम्पन्न भएर विजुली बाल्नुपर्ने अवस्थामा पनि योजना नै शुरु नभएपछि आक्रोशित भएका छन । परियोजनाको कार्यालय बुटवलमा रहेको छ । परियोजनाका परामर्शकर्ता सञ्जय यादवले बोझापोखरी क्षेत्रको आयोजना प्राथमिकतामा राख्नुपर्ने भएपनि यसमा ठेकेदारकै लापरवाही भएको स्विकार गर्छन । उनले केहि समय निर्माणमा अवरोध आएकाले पनि ढिलाई भएको बताए । ‘हामीले फेरि पनि ताकेकता गरेका छौं, अबको ६ महिनाभित्र सम्पन्न गरेरै छाड्छौं’ उनले भने । यो आयोजनाले विद्युतको शवस्टेशन स्थापनादेखि जनताको घरसम्म विजुली बाल्नेछ । बर्दघाट पूर्वको नवलपरासी स्थित बोझा पोखरी सहित धकधई रुपन्देही, महाराजगञ्ज कपिलबस्तु, दुर्गाफाट अर्घाखाँची, खुमेल रोल्पाको आयोजना रुपन्देही कार्यालयले हेर्दे आएको छ । यहाँ बोझापोखरी र खुमेल रोल्पाको काम निकै सुस्त छ । यसैगरि हसुलीया कैलाली, विपिनगर डोटी, गण्डकी प्रदेशका ध्याप्पेसल गोरखा, पालुङटार गोरखा, खैरनीटार तनहुँ र दरबाङ म्याग्दीमा ३३ केभि प्रशारण र विस्तार लाईन योजना सञ्चालन गरिएको हो ।
यो योजनामध्ये ८ वटाको ७० प्रतिशत , ४ क्षेत्रको ३० प्रतिशत काम भएको परियोजनाका परामर्शकर्ता सञ्जय यादवले बताए । उनले अब ठेकेदार कम्पनीलाई अन्तिम चेतावनी दिइएकाले आउदो दशैंसम्म बोभापोखरी क्षेत्रका जनताले विजुली बाल्न पाउने बताए । विशेष गरि विजुली नै नभएको क्षेत्रलाई मध्यनजर गरेर सरकारले डेढ अर्ब एसियाली विकास बैंकसँग ऋण लिएर योजना अघि बढाएको हो । प्रदेश नम्बर ४, प्रदेश ५ र ६ मा गरि परियोजनाले ३३ केभि प्रशारण लाईन तथा विद्युत प्रशारण परियोजना अघि बढाएको छ । परियोजनाका लागि एटुजेट इन्फा इञ्जिनियरिङ्ग एलटिटिसँग १६ सेप्टेम्बर २०१६ मा सम्झौता भएको थियो । १२ क्षेत्रमा सञ्चालित यो परियोजनाबाट १ सय ९० किलोमटिर ३३ केभी प्रशारण लाईन र १ सय ५३ किलोमिटर नयाँ विद्युत विस्तार हुनेछ । वितरण लाईन १ सय ६० किलोमिटर रहेको छ । यो सबै क्षेत्रमा १ सय ८० वितरण ट्रान्सफर्मर जडान गरिनेछ ।