नवलपुरमा आर्थिक प्रलोभन देखाउदै धर्म परिवर्तन गराएको भन्दै प्रशासनको ध्यान आकर्षण

कावासोती । पूर्बि नवलपरासीको जिल्ला प्रशासन कार्यालयलाई आर्थिक प्रलोभन देखाउदै नवलपुरमा धर्म परिवर्तन गराएको भन्दै पशुपति शेना नेपालले सोमबार ध्यान आकर्षण गरेको छ । पशुपति शेना नेपाल नवलपरासी पूर्बले यस्तो ध्यान आकर्षण गराएको हो । पशुपति शेना नेपाल नवलपरासी पूर्बका अध्यक्ष बिष्णु प्रसाद लम्सालले विगत केही समय देखि नवलपुर जिल्लामा गलत मनासय र प्रवृति भएका समुह र व्यक्तिहरुले आर्थिक रुपमा कमजोर तथा अबोथ बालबालिका, एकल महिला एवं वृद्धहरुलाई विभिन्न खालका रुढिवादी उपचार तथा अन्य मनोवैज्ञानिक र आर्थिक प्रलोभन दिदै उनीहरुको धार्मिक आस्था र विचारमा खेल्ने गतिबिधिहरु तिव्र रुपमा भईरहेको भन्दै जिल्ला प्रशासनलाई ध्यान आकर्षण गराएको बताएका छन् । धर्म परिर्वतन गर्न उद्देश एवं बाध्य पार्न क्रियाकलापलले समाजलाई धार्मिक एवं जातिय द्धन्द तर्फ धकेल्न प्रमुख भुमिका खेल्ने देखिकोले जिल्ला प्रशासन कार्यालय नवलपुरलाई ध्यान आकर्षण गराएको पशुपति शेना नेपाल नवलपरासी पूर्बका बसन्त प्रोख्रलको भनाई छ । उनले यस्तो किसिमको क्रियाकलापमा तुरुन्त रोक लगाई समाजमा रहेको सामाजिक तथा धार्मिक सद्भावलाई कायम राख्न अनुरोध गरिएको बताएका छन् ।