कावासोतीका वडा अध्यक्ष पाण्डेको सहयोगमा विद्यालयमा सिसि क्यामेरा

कावासोती। पूर्बि नवलपरासी नवलपुरको कावासोती ६ विष्णुनगरमा रहेको जनता माध्यमिक विद्यालयमा वडा अध्यक्ष हेम प्रसाद पाण्डेले सिसि क्यामेरा जडान गरीदिएका छन् । बिद्यालयको कक्षा कोठा सहित बिद्यालय परिसरमा गरी १६ सिसि क्यामेरा जडान गरीएको हो । बिद्यालयमा विहिवार एक कार्यक्रमको आयोजना गरि सिसि क्यामेराको उद्घाटन गरीएको थियो । वडा अध्यक्ष हेमप्रसाद पाण्डेको सहयोग र विद्यालयको लगानिमा सिसि क्यामेरा जडान गरिएको हो । विद्यालयमा अध्ययन गर्ने विद्यार्थिको सुरक्षा र विद्यार्थिको क्रियाकलापमा नियमित निग्रानी राख्न सो सिसि क्यामेराको जडान गरिएको विद्यालयका प्रधानाध्यापक धनश्याम भुषालले जानकारी दिए । बिहिबार वडा अध्यक्ष हेमप्रसाद पाण्डेको प्रमुख आतिथ्यता रहेको उक्त कार्यक्रममा वडामा रहेका अरु विकास संगसंगै शिक्षा क्षेत्रमा पनि आफुले ध्यान दिने वडा अध्यक्ष हेमप्रसाद पाण्डेले बताए । विद्यालयमा १६ वटा सिसि क्यामेरा संगै एक विधुतिय हाजिर मेसीन पनि जडान गरिएको छ ।