हुप्सेकोट गाँउपालकिाको सडक धमाधम कालोपत्रे हुँदै

भबिश्वर पाण्डे
कावासोती । पूर्बि नवलपरासीको हुप्सेकोट गाँउपालीकामा मात्रै यो बर्ष ७ किलोमिटर भन्दा बढी सडक कालोपत्रे हुदै छ भने ८ किलोमिटर सडकमा कालोपत्रेको लागी पूर्बधार निमार्ण गरिदै छ ।
यो बर्ष नवलपुरमा नै गाँउपालीका मध्य जनसहभागितामा धेरै सडक कालोपत्रे गर्ने स्थानिय तह हुप्सेकोट गाँउपालिका हुदै छ । गाँउपालिकाको ७० प्रतिशत लगानी र स्थानिय उपभोक्त्ताको ३० प्रतिशत लगानिमा हुप्सेकोट गाँउपालिकाको सडकहरु कालोपत्रे सुरु गरीएको हुप्सेकोट गाँउपालीकाको प्रमुख प्रशासकीय अधिकृत हरी पगेंनिले बताए । यो बर्ष कम्तिमा ५ वटा सडकहरु कालोपत्रे सक्ने र कम्तिमा ५ वटा सडकमा कालोपत्रेको पूर्बधार निमार्ण गर्ने कार्य अहिले अघि बढेको प्रमुख प्रशासकीय अधिकृत पगेंनिले बताए । गाँउपालिकाको जुकेपानि , बेलुवा , गिरुवारी , चौरङ्गि ,कोलिया , सङ्खदेब लगायतको क्षेत्रका कालोपत्रे र कालोपत्रेकोलागी पूर्बधार निमार्ण सुरु भएको छ । गाँउपालिकाको भित्रका गाउँका बाटाहरु कालोपत्रे सुरु गरिएको हो । यो हुप्सेकोट गाँउपालिकामा जनसहभागिता र गाँउपालिकाको लगानिमा सडकहरु पहिलो पटक कालोपत्रे सुरु भएको हो । हुप्सेकोट गाँउपालिकाको ३ करोड ४६ लाख लगानि र २ करोड आठ लाख स्थानिय जनसहभागितामा करिब ५ करोड ५४ लाख ५० हजार बराबरको कालोपत्रे र कालोपत्रेकोलागी पूर्बधार निमार्ण कार्य सुरु भएको गाँउपालिकाको इन्जिनियर बिनोद अर्यालले बताए । अहिले यो बर्ष वडा नम्बर ३ को बेलुवा गिरुवारी सडक , अक्कल सिं सोतीको घर देखि रजालि टोल हुदै चौरङ्गी बुद्दचोक सम्म , वडा नम्बर २ को कोलिया खण्ड हात्तिगौडा बाटो , वडा नम्बर ४ मा गाँउपालिका कार्यालय जाने बाटो र जनकल्याण स्कुल देखि वडा नम्बर ४ जाने बाटो कालोपत्रे हुने र अन्य ५ वडा सडकहरु पनि कालोपत्रेको लागी पूर्बधार यहि बर्ष सम्पन्न गर्ने कार्य अघि बढेको हुप्सेकोट गाँउपालीकाको प्रमुख प्रशासकीय अधिकृत हरी पगेंनिले बताए । सडक कालोपत्रे संगै स्थानीयहरुलाई स्थानीय उत्पादन वजार सम्म पुर्याउन सहज हुनुका साथै स्थानीयहरुले पनि सहर सरह विकाश भएको अनुभुक्ति भएको हुप्सेकोट ३ का अक्कल सिं सोतीले बताए । उनले भने आफ्नो घर छेउका बाटाहरु कालोपत्रे भएपछि आफुहरुलाई सहज हुने तथा जग्गाको पनि मुल्य बढने भएकाले पनि गाउँका उपभोक्ताहरु यसरी जागरुक हुने गरेका छन् । ‘वषौसाल बाटोमा वजेट आउने गर्छ तर बाटोको सुधार हुदैन तर यस बर्ष भने गाँउपालिकाको लगानि र स्थानीयहरुको लागत सहभागीतामा गाउँको वाटो कालोपत्रे सुरु भएको छ , पहिले धेरै रकम उठाउन केही असहज भयो’, । उनले थपे हाल भने सडकका कालोपत्रे सुरु संगै सवै स्थानीयहरु खुसि भएका छन् । विकाश निर्माण योजनाहरु गाँउपालिकामा बस्ती केन्द्रित हुन थालेका छन् । स्थानियहरुको उत्साह एवं सक्रियताका कारण ती ग्रामीण बस्तीहरुमा गाँउपालिकाको लगानिमा यस बर्ष कालोपत्रे र कालोपत्रे पूर्बधारलाई प्रथामिकता दिएको हुप्सेकोट गाँउपालीकाको प्रमुख प्रशासकीय अधिकृत हरी पगेंनिले बताए । पगेंनिका अनुसार पहाडी क्षेत्रका सडकहरु ट्रया खोली केही सकिएको र केही कार्यहुदै गरेको बताएका छन् ।