नवलपुर महोत्सव उद्घाटन गर्न ईश्वर पोखरेल आउने

कावासोती । माघ १७ गतेबाट कावासोतीमा शुरु हुने लागेको पांचौ नवलपुर महोत्सव उद्घाटन गर्न उपप्रधानमन्त्रि एवंम रक्षा मन्त्रि ईश्वर पोखरेल आउने भएका छन् ।
बुधबार प्रतिनिधिसभा सदस्य तिलक महत र उद्योग वाण्ज्यि सँघ नवलपुरका अध्यक्ष डासुराज पोखरेल सहितको टोलीले निमन्त्रण गरी उपप्रधानमन्त्रि एवंम रक्षा मन्त्रि ईश्वर पोख्रेललाई पांचौ नवलपुर महोत्सव उद्घाटन गर्न आगह्र गरेपछि उनि आउने भएको हुन् । थकाली चोक देखी उत्तर तर्फ कावासोती नगरपालिका ३ राममन्दिर स्थित खुल्ला मैदानमा हुन लागेको महोत्सवको तयारी स्वरुप अहिले गेट निर्माण,स्टल निर्माण,पानिको व्यवस्थापन,हिमाल पहाड तराईको झल्को दिने आकृती निर्माणको काम धमाधम चलिरहेको छ । महोत्सव स्थलको व्यवस्थापनकै क्रममा प्रवेश द्धार आसपासको क्षेत्रलाई डोजर लगाएर सम्याउने काम समेत गरिएको नवलपुर उद्योग वाणिज्य संघका अध्यक्ष डासुराज पोखरेलले जानकारी दिए ।
महोत्सवको प्रवेश द्धारको निर्माणको काम लगभग सकिएको छ । मंगलबारबाट महोत्सव स्थलमा बिभिन्न जातजातीका घरहरु निर्माणको कार्य थालनी गरिएको अध्यक्ष पोखरेलले जानकारी दिए । माघ १७ गते देखी २९ गते सम्म संचालन हुने यस पटकको महोत्सव बिशेष महोत्सव हुने आयोजकले जनाएको छ । स्थानीय उत्पादनको प्रर्वद्धन,कला,सस्कृतीको प्रर्वद्धन,यहांका पर्यटकीय क्षेत्रको प्रर्वद्धनमा महोत्सवले टेवा पुर्याउने अपेक्षा लिइएको छ । महोत्सवमा राखिने कृतिम चिडिया खाना समेत दर्शकको रोजाईमा पर्ने अपेक्षा रहेको छ । महोत्सवको लागि स्टल बुङ्गि समेत भईरहेको प्रचार प्रसार उपसमितिका संयोजकका संयोजक हरी सुवेदीले जानकारी दिए ।