नवलपुरमा ६ महिनामा १३ सय महिलालाई राहदानी

ज्ञानु पंगेनी
कावासोती । पछिल्ला वर्षहरुमा नवलपुरमा राहदानी लिने महिलाहरुको संख्यामा वृद्धि हुदै गएको छ । जिल्ला प्रशाशन कार्यालय नवलपरासी पूर्व मार्फत् चालु आर्थिक वर्षको छ महिनाको अवधिमा मात्रै १ हजार २ सय ८४ जना महिलाले राहदानी बनाएका छन । चालु आर्थिक वर्षको साउन महिनादेखि पुस समान्तसम्ममा १ हजार २ सय ८४ जनाले राहदानी बनाएको जिल्ला प्रशाशन कार्यालय नवलपरासी पूर्वका नायव सुब्बा रामजी सुवेदीले जानकारी दिए । नवलपुरमा गत वर्ष यसै समयमा १ हजार ३ सय २१ जना महिलाहरुले राहदानी बनाएका थिए । गत आर्थिक वर्षमा प्रशाशन मार्फत् २ हजार ८ सय ९३ जना महिलाले राहदानी बनाएका थिए ।
पछिल्लो समय वैदेशिक रोजगारीमा जाने महिलाहरुको संख्यामा वृद्धि भएकाले पनि राहदानी बनाउने महिलाहरुको संख्यामा वृद्धि भएको हुनसक्ने सुवेदी बताउछन । सुवेदीका अनुसार चालु आर्थिक वर्षमा राहदानी बनाउने जेष्ठ नागरिकहरुको संख्यामा समेत वृद्धि भएको छ । विदेशमा बस्ने छोराछोरीहरुले वावुआमालाई घुम्न बोलाउने प्रचलन बढेकाले राहदानी बनाउने जेष्ठ नागरिकहरुको संख्यामा वृद्धि हुदै गएको सुवेदी बताउछन ।
प्रशाशन मार्फत् चालु आर्थिक वर्षको छ महिनामा राहदानी बनाउनेको संख्या ४ हजार ५ सय ५२ छ । जसमध्ये साधारण सेवा मार्फत् ( जिल्ला प्रशाशन ) बाट ३ हजार ४ सय ३५ जनाले राहदानी बनाएका छन भने दु्रत सेवा मार्फत् ( काठमाण्डौ ) बाट जम्मा १ हजार १ सय १७ जनाले राहदानी बनाएको नायव सुब्बा सुवेदीले जानकारी दिए । साउनदेखि पुस मसान्तसम्म छ महिनामा ३ हजार २ सय ६८ जना पुरुषले राहदानी बनाएका छन ।
चालु आर्थिक वर्षको छ महिनामा राहदानीबाट १ करोण ६६ लाख ७७ हजार ५ सय रुपैया राजशव संकलन भएको छ । गत आर्थिक वर्षमा ३ करोण २४ लाख ७५ हजार रुपैया राजश्व संकलन भएको थियो । साधारण सेवा मार्फत् बन्ने राहदानीको राजश्व प्रशाशनले संकलन गर्दछ भने दु्रत सेवाको काठमाण्डौमा नै संकलन हुन्छ । प्रशाशनका कम्प्युटर अपरेटर नेल्सन सुवेदीका अनुसार साधारण सेवा मार्फत् राहदानी बनाउन ५ हजार र दु्रत सेवा मार्फत् १० हजार रुपैया राजश्व सेवाग्राहिले तिर्नु पर्छ । यस्तै हराएमा , भिजेमा , केरमेट भएमा पनि १० हजार रुपैया राजश्व लाग्छ । नाबालक ( १० वर्ष मुनीका) बालबालिकाले राहदानी बनाउन परे २५ सय राजश्व तिर्नुपर्छ ।