नवलपुरमा महगों काठ किन्दै उपभोक्ता

दयाराम आचार्य
कावासोती । नवलपरासी पूर्व नवलपुरमा जिल्ला वन पैदावार आपुर्ति समिति स्थापना हुन नसक्दा उपभोक्ताले महगोंमा काठ किन्नुपर्ने बाध्यता रहेको छ । नवलपुरमा डिभिजन वन कार्यालय स्थापना भए पनि जिल्ला वन पैदावार आपुर्ति समिति भने स्थापना हुन सकेको छैन् । जसका कारण सहुलीयत रुपमा वन कार्यालय मार्फत प्राप्त हुने काठ उपभोक्ताले पाउन नसकेका हुन ।
गएको भदौ महिनामा नवलपुरमा डिभिजन वन कार्यालय स्थापना भएको हो । तर वन कार्यालय स्थापना भएको चार महिना विति सक्दा समेत जिल्ला वन पैदावार आपुर्ति समितिभने स्थापना हुन सकेको छैन् । घर निर्माणकार्य गरिरहेका मध्यविन्दु नगरपालिका तीनका स्थानीय लक्ष्मण सुवेदीले वनकार्यालयले काठ बितरणको काम शुरु नगर्दा आफुले महागोंमा काठ किन्नु परेको गुनासो गरे । घर निर्माण गर्ने उपभोक्तालाई वन कार्यालयको आपुर्ति समितिले ढलान घरका लागि पचास क्यु फिट,कच्चि घरका लागि तीस र मर्मतका लागि बीस क्यु फिट सम्म सहुलियतमा काठ प्रदान गर्ने गर्दछ । आपुर्ती बाट खरिद गर्ने काठको मूल्य प्रति क्यु फिट करिब रु.१३ सय देखी रु. १६ सय सम्म पर्ने गर्दछ । तर सोही काठ उपभोक्ताले बाहिर खरिद गर्दा धेरै महगों पर्ने गरेको उपभोक्ताको गुनासो रहेको छ । जिल्ला वन पैदावार आपुर्र्ति समिति गठन नहुदा काठ चोरीको समस्या समेत बढेको स्थानीय लक्ष्मण सुवेदीले बताए । ‘उपभोक्तालाई काठ चाहिएको छ , वनबाट नपाएपछी बाहिर खरिद गर्नेहो’ सुवेदीले भन्नुभयो–यसले वनबाट काठ चोरीहुने क्रम बढेको छ ।
यता डिभिजन वन कार्यालय नवलपरासी पूर्व नवलपुरका प्रमुख विजयराज सुवेदीले नवलपुरमा अब चाडै जिल्ला वन पैदावार आपुर्र्ति समिति स्थापना हुने बताए । ‘उपभोक्तालाई असहज भएको हामिले महशुस गरेका छौ’ प्रमुख सुवेदीले भने –मन्त्रीपरिषदबाट जिल्ला वन पैदावार आपुर्ति समिति स्थापनाको निर्णय भएको छ ,सम्भवत फागुन सम्ममा उपभोक्ताले सहुलियत रुपमा काठ प्राप्त गर्न सक्नेछन् । समिति स्थापनाको लागि मन्त्री परिषदबाट निर्णय हुनुपर्ने भएकाले ढिलाई भएको भए पनि अब समिति स्थापनाको निर्णय भएको र राजपत्रमा प्रकाशित भएपछी प्रक्रिया अगाडी बढने उनले जानकारी दिए ।