नेपाल माबिमा ४८ करोडको परियोजना

दिपेश कडरिया
कावासोती । नेपाल सरकारको बजेट भाषणपछि शिक्षा बिभागबाट नमुना बिद्यालय विकास गुरुयोजनामा परेको देवचुली नगरपालिका १ अन्तर्गतको नेपाल माद्यामिक बिद्यालयले आफ्नो गुरुयोजना तयार पारेको छ ।
करिब ४८ करोड को लागतमा परियोजना तयार पार्न सकिने बिद्यालय ब्यबस्थापन समितिका अध्यक्ष तथा कार्यक्रमका सभापती कृष्ण बहादुर के.सि.ले बताए । शुक्रबार बिद्यालय परिसरमा भएको नमुना बिद्यालय विकास योजना अन्तिमिकरण कार्यशालामा परियोजनाको बारेमा प्राध्यानध्यापक शिब प्रसाद देवकोटाले प्रस्तुति दिएका थिए । कार्यक्रममा देवकोटाले आगामी ५ बर्षको लागि नमुना बिद्यालय बन्न आवश्यक आधुनिक भवन,इलाइब्रेरी,कम्युटर ल्याब, साइन्स ल्याब,सुबिधायुक्त्त होस्टेल,सुरक्षा गार्ड,प्रयाप्त खेलकुद मैदान लगायताका संरचना बन्नुपर्ने बताए । हाल १२ सय विद्यार्थी रहेको नेपाल मा .बिले अबको ५ बर्ष भित्र करिब २२ सय विद्यार्थी र्पुयाउने लक्ष्य लिएको छ । कार्यक्रममा बोल्दै देवचुली नगरपालिकाका नगर प्रमुख पुर्णकुमार श्रेष्ठले नमुना बिद्यालयको गुरुयोजनामा पर्नु नै नगरपालिकाको शैक्षिक विकासमा टेवा पुग्ने बताए । ५ बर्षको समयावधि भित्र नमुना बिद्यालय बन्न नगरपालिकाले पुर्ण रुपमा सहयोग गर्ने समेत बताए ।
शैक्षिक क्षेत्रमा नगरपालिका लाई नमुना बनाउन नेपाल मबिलाई उल्लेखनीय सहयोग गर्ने प्रमुख प्रशासकीय अधिकृत नारायण सापकोटा बताए । आगामी नगर कार्यपालिकाको बैठकमा समेत यो बिषयलाई छलफल गर्ने अधिकृत सापकोटाले बताए ।