पाठेघरको मुख र स्तन क्यान्सर समयमै उपचार पाए निको हुने / उपचारमा लाज नमान्न चिकित्सकको सुझाव

ज्ञानु पंगेनी
कावासोती । लाज मानेर रोग लुकाउदा पछिल्लो समय महिलाहरुमा पाठेघरको मुख र स्तन क्यान्सर बढि देखिएको चिकित्सकको भनाई छ ।
जयबुद्ध अस्पताल भरतपुरका वरिष्ठ क्यान्सर सर्जन सुनिल ढाकालले महिलाहरु मा नै लाग्ने पाठेघरको मुखको क्यान्सर र स्तन क्यान्सको समयमै निदान गर्न सके यसको उपचार सम्भव हुने र निको समेत हुने भएकाले लाज नमान्न महिलाहरुलाई सुझाव समेत दिन्छन ।
गोप्य अंगहरुमा देखिने मसस्यालाई लाज नमानी वेलैमा अस्पतालमा जाच गराउनुपर्नेमा सर्जन ढकालले आग्रह समेत गरेका छन । शनिवार नवलपुरको कावासोतीमा रहेको शिवमन्दिर महिला बहुउदेश्यीय सहकारी संस्थाको १७ औ स्थापना दिवसको अवसर पारेर आयोजना गरिएको महिलाको पाठेघरको मुख र स्तन क्यान्सर सम्बन्धि नि शूल्क स्वास्थ्य शिविरमा बोल्दै उनले क्यान्सर पनि अन्य रोगजस्तै सामान्य रोग भएकाले सकारात्मक सोच र दृढ मनोबलका साथ उपचार गरेमा यो निको हुने जानकारी दिए । पहिलो र दोस्रो चरणमा क्यान्सर पत्ता लाग्यो भने निको हुने सम्भावना पनि धेरै हुने र खर्च पनि कम लाग्ने भएकाले आफुलाई शंका लागेमा तुरुन्त अस्पतालमा जाच गराउन उनले आग्रह समेत गरे ।शिविरमा ३ सय जना महिलाहरुको जाच गरिएको सहकारीका व्यवस्थापक राममाया गुरुङ्गले जानकारी दिईन । जाच गरिएका मध्ये करीब एक सय जना महिलाहरुमा पाठेघरको मुखमा संक्रमण भेटिएको जयबुद्ध अस्पताल प्रालिका प्रबन्धक लोक वहादुर गुरुङ्गले जानकारी दिए । बजार क्षेत्रमा बसोवास गर्ने महिलाहरु भएकाले आफ्नो स्वास्थ्यप्रति सजग रहेको पाईएको गुरुङ्गले बताए । शिविरमा सहभागि भएका महिलाहरुमा कुनैमा पनि क्यान्सरको लक्षण नदेखिएको उनले बताए ।
शिवमन्दिर महिला बहुउदेश्यीय सहकारी संस्थाका अध्यक्ष खथिसरा गुरुङ्गको अध्यक्षता तथा कावासोती नगरपालिका वडा नम्बर दुईका वडा अध्यक्ष लक्ष्मी प्रसाद पौडेलको प्रमुख आतिथ्यतामा भएको शिविरको औपचारिक कार्यक्रममा , कावासोती नगरपालिकाका स्वाथ्य शाखा प्रमुख विश्वराज कंडेल , जयबुद्ध अस्पताल प्रालिका प्रबन्धक लोक वहादुर गुरुङ्ग लगायतको सहभागिता रहेको थियो शिविरमा स्त्रि रोग विषेषज्ञ डाक्टर राजन महत , वरिष्ठ क्यान्सर सर्जन सुनिल ढकाल र रोजश गौतम सहित २० जनाको टोलीले स्वास्थ्य जाच गरेका थिए ।