होमस्टे एशोसिएसनको दोस्रो राष्ट्रिय कार्यशाला नवलपुरको पिप्रहरमा

बिबेक भण्डारी
कावासोती । होमस्टे (घरबास) एशोसिएसन नेपालको दोस्रो राष्ट्रिय कार्यशाला गोष्ठी एवं सम्मेलन नवलपुरमा हुने भएको छ । एशोसिएसन नेपालले मंगलवार नवलपुरको पिप्रहर होमस्टेमा पत्रकार सम्मेलन गर्दे यहि माघ १८ गते देखी २० गते सम्म कार्यशाला गोष्ठी एवम सम्मेलन पिप्रहर सामुदायिक होमस्टे ग्राम मा हुने बताएको छ ।
यस अघि प्रथम राष्ट्रिय कार्यशाला गोष्ठी एवं सम्मेलन नवलपुर कै अमलटारी होमस्टेमा आयोजना गरिएको थियो । एशोसिएसन नेपालका उपाध्यक्ष धनीश्वर बस्यालले प्रकृति,संस्कृति र पर्यटन नेपालको पहिचान,समृद्ध मुलुक निर्माण,होमस्टेको अभियान नारा दिइ संञ्चालन हुने सम्मेलनको उपप्रधान तथा रक्षा मन्त्री ईश्वर पोख्रेलको प्रमुख आतिथ्यतामा आयोजना गरिने जानकारी दिए । त्यस्तै होमस्टे एशोसिएसन नेपालका महासचिव प्रेमशंकर मर्दनियाले एशोसिएसनको दोस्रो सम्मेलनमा देशभरका गरि ४ सय ५२ जना प्रतिनिधिको सहभागिता रहने बताए । यस्तै पत्रकार सम्मेलनमा १८ देखि २० गते सम्म आयोजना हुने कार्यशाला गोष्ठी एंव सम्मेलनका लागि प्रप्रिहर सामुदायिक होमस्टे आउने पाहुनाको खान,बस्न देखि कार्यक्रम अवधिभर आवस्यक पर्ने विषयहरुको सबै तयारी पुरा गरेको पिप्रहर सामुदायिक होमस्टे ग्रामका अध्यक्ष झनक महतोले बताए । १८ गते स्वागत तथा सदस्य दर्ता कार्यक्रम,१९ गते होमस्टे कार्यशाला गोष्ठी, कार्यपत्र प्रस्तुती तथा छलफल र २० गते होमस्टे एशोसिएसन दोस्रो सम्मेलन हुने कार्यतालिका रहेको एशोसिएसनका उपाध्यक्ष बस्यालले जानकारी गराए ।