भैसी चराउन गएका पदम बहादुरको गैडाको आक्रमणबाट मृत्यु

कावासोती । पूूर्वी नवलपुरासी नवलपुरको मध्यविन्दु नगरपालिकामा गैडाको आक्रमणबाट एक जनाको मृत्यु भएको छ । मध्यविन्दु नगरपालिका १२ तमासपुर निवासी ८३ बर्षिय पदम बहादुर क्षेत्रीको गैडाको आक्रमणबाट मृत्यु भएको हो । शुक्रवार दिउसो भैसी चराउन चितवन राष्ट्रिय निकुञ्जको मध्यवर्ती क्षेत्र नारायणी नदि किनारमा गएका बेला क्षेत्रीलाई गैडाले आक्रमण गरेको जिल्ला प्रहरी कार्यालय नवलरासी पूर्वका सुचना अधिकृत प्रहरी नायव उपरीक्षक लिलाराज लामिछानेले जानकारी दिनुभयो । बेलुका अबेरसम्म पनि घर नफर्किएपछि उनलाई आफन्तले खोजी गर्नेक्रममा राती आठ बजेतिरको समयमा मध्यविन्दुको करङघारी भन्ने स्थानको कासघारीमा मृत अवस्थामा उनलाई फेला पारेका थिए । उनको गैडाको आक्रमणबाट मृत्यु भएको पुष्टि भएको प्रहरी नायव उपरीक्षक लामिछानेले जानकारी दिए ।