फिकलमा जीप दुर्घटना [अपडेट] ; मृतक पाँचै जनाको सनाखत

काठमाडौं ।  सिन्धुलीमा भएको जिप दुर्घटनामा मृतक पाँचै जनाको सनाखत भएको छ । आज विहान फिक्कल गाँउपालिका–२, चण्डीभञ्ज्याङमा बा १५ च ९४२२ नम्बरको जीप दुर्घटना भएको थियो । अन्य सात जना घाइते भएका छन् ।

जिल्लाकै महादेवडाँडाबाट १२ जना यात्रु बोकेर सदरमुकाम सिन्धुलीमाढीतर्फ आउँदै गरेको जीप बिहान साढे नौ बजेतिर अनियन्त्रित भई दुर्घटना भएको जिल्ला प्रहरी कार्यालयले जनाएको छ । प्रहरीका अनुसार ज्यान गुमाउनेहरुमा फिक्कल गाँउपालिका वडा नं. २ निवासी ५५ वर्षीया तीलमाया विक, २५ वर्षीया अनिता महत, ४० वर्षीया लक्ष्मी विक, ६५ वर्षीय कुनमान तामाङ र वडा नं. ३ निवासी ३५ वर्षीया शान्तिमाया श्रेष्ठ रहेका छन् ।

दुर्घटनाका गम्भीर घाइतेहरु चालक मानबहादुर सुनुवार, गंगामाया विक र दिपक श्रेष्ठलाई उपचारका लागि धुलिखेल अस्पताल पठाइएको छ । अन्य चार जना यात्रु भने सामान्य घाइते रहेका प्रहरीले जानकारी दिएको छ ।