जनयुद्ध दिवसमा नेकपा नवलपुरद्धारा शुभकामना आदानप्रदान

शालिकराम भट्टराई
कावासोती ।जनयुद्धको केही कार्यभार पुरा भएपनी अझै धेरै कुरा पुरा गर्न बाकी रहेको एक कार्यक्रमका बत्ताहरुले बताएका छन । 
आज २४ औ जनयुद्ध दिवसका अवसरमा नेकपा नवलपुरले डण्डामा आयोजना गरेको शुभकामना आदानप्रदान कार्यक्रममा बोल्दै यस्तो बताएका हुन । नेकपाका केिन्द्रय सदस्य किशन शर्माले कार्यक्रममा बोल्दै सबै कम्युनिष्टहरु एक हुनुपर्ने बताउनुभयो । समाजमा बिद्यमान आर्थिक र सामाजिक बिभेद अझै कायम रहेकाले शहिद, बेपत्ता परिवार संगैे सबै एकजुट भएर अगाडी बढेमा जनयुद्धको कार्यभार पुराहुदै जाने समेत उहाले बताउनुभयो ।.बि स.२०५२ साल फागुन १ गतेदेखी तत्कालिन नेकपा माओबादीले जनयुद्ध घोषणा गरेको थियो । तत्कालिन बिद्रोही नेकपा माओबादीले संबिधानसभा बाट संबिधान बनायनुपर्ने, राजतन्त्रको अन्त्य र जनबादी ब्यवस्थाको स्थापना गर्ने भन्दै रोल्पा, सिन्धुली र गोरखाका प्रहरी चौकीमा आक्रमण गरेर नेपालमा शशस्त्र बिद्रोहको सुरुवात गरेको थियो । जनय्द्ध घोषणा गरेको दिनलाई अर्थात फागुन १ गतेलाई माओबादीले जनयुद्ध दिवसका रुपमा मनाउदै आएको छ । शान्ति प्रकृयामा आएपछी माओबादी पार्टी बिभाजन भएर बिभिन्न पार्टी बनेका छन । बिभिन्न पार्टी र समुहमा बिभाजित माओबादी पार्टीहरुले बिभिन्न कार्यक्रम गरी जनयुद्ध दिवस मनाएका छन । तथापी जनयुद्धका केही कार्यभार पुरा भएपनी अझै धेरै कुरा पुरा गर्न बाकी नै रहेको स्वयम जनयुद्धको नेतृत्वतमा नै रहेकाहरु बताउछन ।
नेकपा केन्द्रिय सदस्य किशन शर्माको प्रमुख आतिथ्यतामा भएको कार्यक्रममा नेपाका प्रदेश सदस्य तथा पुर्ब सासद कृष्ण पौडेल, प्रदेश सांसद सुष्मा खनाल, प्रदेश सदस्य चन्द्रमणी खराल, लगाएतकाले शुभकामना मन्तब्य राख्नुभएको थियो । प्रदेश सदस्य तथा सांसद रोशन बहादुर गाहाको अध्यक्षतामा भएको कार्यक्रमको सन्चालन प्रदेश सासद धनप्रसाद सापकोटाले गर्नुभएको थियो ।