किशोरीहरुको अधिकार संरक्षणमा स्थानीय तहको भुमिका महत्वपुर्ण

दलदले । किशोरीहरुको अधिकार संरक्षण र सम्बद्र्धनको साथमा उनीहरुको शसक्तिकरणमा अभिभावक र स्थानीय तहको भुमिका महत्वपूर्ण हुने आज (शनिबार) देवचुलीमा भएको सरोकारवाला निकायहरु र अभिभावकहरुको भेलाबाट निष्कर्ष निकालिएको छ ।
जागृति बाल तथा युवा सरोकार नेपालद्धारा कन्नालनको सहयोगमा देवचुली नगरपालिकामा सञ्चालन गरेको किशोरी शसक्तिकरण कार्यक्रमका साथी शिक्षक, अभिभावक र अन्य सरोकारवालाहरुको भेलामा उक्त निष्कर्ष निकालिएको जागृति बाल तथा युवा सरोकार नेपालका दिपक शर्माले बताए ।
समाजलाई किशोरीमैत्री र हिंसामुक्त राख्नको लागि समेत बर्तमानका किशोरीहरुको भुमिका महत्वपूर्ण हुने कुरा किशोरी अभियन्ता आशा विकले बताईन् । उनले स्थानीय तह, अभिभावक र अन्य सरोकारवालाहरुले हामी किशोरीहरुलाई विश्वास गरेर केही गर्न सक्दछन् भन्ने विश्वासको खाँचो रहेको बताईन् । उनले थपिन हामी पनि किशोरहरु सरह नै केही गर्न सक्दछौ तर त्यसको लागि सवैले विश्वास र सही अवसरको खाँचो रहेको छ ।

किशोरीहरुलाई शसक्तिकरण गर्नु सवैभन्दा पहिलो स्टेप रहेको र यो कार्यक्रमले हामीलाई केही गर्न सक्ने र कसरी अगाडी बढ्न सक्ने भन्ने बारेमा जानकारी दिएकोले हामीलाई सवैले सहयोग र समन्वय गर्नुपर्ने कुरामा अर्की किशोरी अभियन्ता मनिसा सुनारीले बताईन् । समाजले पनि महत्वपूर्ण भुमिका निर्वाह गरेको र किशोरीहरुमा आएको यो परिवर्तनले पक्कै नै सवै छोरीहरुप्रत गर्व गर्न लाएक रहेको कुरा अभिभावकको तर्फबाट बोल्नुहुने रेनुका बस्ताकोटीले बताईन् । कार्यक्रममा कालिका माध्यमिक विद्यालयका प्रधानाध्यापक रेशम कोईराला, संस्थाको तर्फबाट राजु चापागाई, उपाध्यक्ष सृजना अधिकारी र देवचुली नगरपालिकाका बालमैत्री परामर्शदाता एवम बाल अधिकारकर्मी खिमानन्द भुसालले मन्तव्यको क्रममा पढाईसँगै सामाजिक सचेतनामुलक कार्यक्रममा सहभागिताको लागि अनुरोध गर्दै, परिवर्तन आफुबाट सुरु गर्न र सो परिवर्तनबाट अन्य व्यक्तिहरुलाई समेत सुरु हुने भएकोले अवको जिम्मेवारी अन्य साथीहरु र उमेरका किशोरकिशोरीहरुमा आधारीत भएर सञ्चालनको लागि समेत अनुरोध गरेका थिए । उक्त कार्यक्रमकोृ सञ्चालन किशोरी अभियन्ताहरु आस्था अनिर्जित बस्ताकोटी र सुस्मा पोख्रेलले गरेका थिए भने कार्यक्रमको सभाध्यक्ष सुधा सुनारले गरेकी थिईन् । कार्यक्रममा किशोरीहरु, अभिभावकहरु र अन्य सरोकारवालाहरु गरी ६० जनाको उपस्थिती रहेको थियो । कार्यक्रमको अन्त्यमा ३ जना किशोरीहरुलाई सम्मान समेत गरिएको थियो ।