गैडाकोटमा सुरु भयो दोश्रो उप– मेयर कप अन्तर विद्यालय छात्रा फूटवल प्रतियोगिता

ज्ञानु पंगेनी
कावासोती ।  खेलकूद क्षेत्रमा महिलाहरुको सहभागिता बृद्धि गर्ने उदेश्य सहित नवलपुरको गैडाकोट नगरपालिकामा शुक्रवादेखि गैडाकोट दोश्रो उप– मेयर कप अन्तर विद्यालय छात्रा फूटवल प्रतियोगिता शुरु भएको छ ।
गैडाकोट नगरपालिकाको आयोजना , गैडाकोट महिला फूटवल क्लबको सहयोग तथा गैडाकोट खेलकूल विकास समितिको प्राविधक सहयोगमा प्रतियोगिता आयोजना गरिएको हो ।
महिला खेलकूदको विकासमा टेवा पुर्याउने र नगरबाट उत्कृष्ट महिला खेलाडी उत्पादन गने उदेश्यले प्रतियोगिताकोृ आयोजना गरिएको गैडाकोट नगरकी उपप्रमुख विष्णु कुमारी कंडेलले बताईन । खेकूलको क्षेत्रमा गैडाकोट नगरपालिका अब्बल रहेको भए पनि महिला खेलाडीहरुको संख्यात्मक र गुणात्मक विकास भने हुन नसकेकाले नगरपालिकाले आफ्नो निति तथा कार्यक्रममा नै महिला खेलाडीको प्रबद्र्धन र विकासका लागि गत वर्षबाट प्रतियोगिताको शुरुवात गरेको कंडेलको भनाई छ । यस्तै खेलकूदमा लागेका छात्राहरु म्हिला हिंसाको प्रतिकार समेत गर्न सक्ने भएकाले पनि महिला ंिहसा अन्त्य गर्न खेलकूदले सहयोग पुर्याउने कंडेलले बताईन ।
प्रतियोगितामा नगरपालिकाभित्रका मावि तहसम्मका विदालयहरुबाट १६ वटा टिमको सहभागिता रहेको छ । प्रतियोगितामा प्रथम हुने टिमले शिल्ड , मेडल र प्रमाणपत्र सहित नगद ४० हजार रुपैया पुरस्कार प्राप्त गर्नेछ भने दोश्रो हुने टिमले शिल्ड , मेडल र प्रमाणपत्र सहित ३० हजार रुपैया प्राप्त गर्नेछ । यस्तै तृतीय हुने टिमले शिल्ड , मेडल र प्रमाणपत्र सहित १५ हजार रुपैया प्राप्त गर्नेछ भने सान्त्वना हुने टिमलाई पनि १५ हजार रुपैया प्रदान गरिने आयोजकले जानकारी दिएको छ ।
यसैगरि वेस्ट प्लेयरलाई ५ हजार , उत्कृष्ट गोलकर्तालाई ४ हजार , वेस्ट गोलकिपरलाई ४ हजार , म्यान अफ दि म्याचलाई ४ हजार र उत्कष्ट मार्चपासलाई ६ हजार रुपैया पुरस्कार प्रदान गरिने जनाईएको छ ।
गैडाकोट क्षेत्रीय रंगशालामा संचालन भएको प्रतियोगिताको फाईनल खेल फागुन २४ गते हुनेछ ।
यसैबिच शुक्रवार भएको उद्घाटन खेलमा विजय सामुदायीक शिक्षा सदन विजयी भएको छ । मुकुन्दसेन ईङलिस बोर्डिङ्ग स्कूललाई चार शुन्य गोल अन्तरले पराजित गर्दै विजय सामुदायीक शिक्षा सदन विजयी भएको हो ।