तिलक महतले सार्वजनीक गरे एक बर्षमा गरेको मुख्य १२ काम

भबिश्वर पाण्डे

कावासोती । नवलपरासी पूर्बि जिल्ला नवलपुर क्षेत्र नं.२ बाट प्रतिनिधि सभा चुनाबमा बिजयी भएका प्रतिनिधि सभा सदस्य तिलक महतले एक बर्षमा गरेको काम सार्वजनीक गरेका छन् । उनले सामाजिक सञ्जाल फेसबुक मार्फत आफ्नो पहलमा नवलपुर क्षेत्रमा भएका बिकास निमार्णका कार्यहरु सर्वजनीक गरेका हुन् । उनले आफु निवार्चित भएको एक बर्ष पुरा भएको भन्दै एक बर्षको अवधिमा आफ्नो पहलमा नवलपुर क्षेत्रमा १२ ओटा मुख्य काम भएको दाबि गरेका छन् । उनले नवलपुर क्षेत्रको सडकहरु, पुलहरु (पक्कि र झोलङ्गे) , सिंचाई , पिउने पानी , शिक्षा तथा स्वास्थ्यका भवनहरु, विद्युतिकरण , खेल मैदान निर्माण र कृषि , उद्योग र पर्यटन जस्ता क्षेत्रमा संघिय सरकारबाट बजेट बिनियोजन भएको र बिकास निर्माणका कामहरु पनि अगाडि बढेको बताएका छन् । तिलक महतले आउने बर्षको बजेट नवलपुरमा बृद्धिहुने समेत बताएका छन् । सरकारले यस बिचमा दर्जनौ ऐन कानुनहरु निर्माण गरिएको र गर्ने क्रम जारि रहेको भन्दै तिलक महतले नवलपुरमा केही राष्ट्रिय गौरवका र दुरगामि प्रभाव पार्ने आयोजनाहरुको कार्य गरेको बताएका छन् ।
एक बर्षमा तिलक महतले गरेको मुख्य कार्यहरु
१ जिल्ला सदरमुकाम
नवलपुर जिल्लाको नमुना सदरमुकाम एउटै कम्पाउण्ड भित्र राख्ने गरि कावासोती नगरपालीका ३ राममन्दिर क्षेत्रको “१७९ बिगाह “ जग्गामा सरकारले निर्णय गरि सम्माननीय प्रधानमन्त्रीबाट शिलन्यास गर्ने तयारी ।
२) जिल्ला अस्पताल
नवलपुर जिल्ला अस्पताल मध्यविन्दु सामुदायिक स्मृति अस्पताल कावासोती १६ डण्डामा बनाउने सरकारले निर्णयगरि मुख्यमन्त्रीबाट उद्घाटनको तयारी ।
३ त्रिबेणि भन्सार
बर्षाै देखि बन्द अवस्थामा रहेको त्रिबेणि छोटि भन्सार संचालन भैसकेको र सोको स्तर उन्नति गरि कार्यालय र गोदामको लागि जमिनको ब्यवस्थापन हुँदै ।

४नवलपुर आरुङ्गखोला
पाल्पा रामपुर सडक (४० किमी) संचालन । जुन सडकले पुर्वि पाल्पाका नागरिकहरुलाई राजधानि काठमाण्डौ जान १ सय १७ किमी छोटो हुन्छ ।
५ नवलपुरको गैडाकोट देखि पाल्पाको पिपलडाडा सम्म कालिगण्डकी करिडोर सडक पक्कि र पुल निर्माणको लागि ठेक्का लागि काम सुरु तयारी ।
६ गैडाकोट – बुटवल सडक खण्ड स्तर उन्नतिको ठेक्का लागि काम सुरु गर्ने तयारी ।
७ नारायणि नदिमा जल यातयात संचालनको लागि सम्भाब्यता अध्ययन भैरहेको ।
८ नवलपुरको धौवादीमा रहेको मुलुककै ठुलो फलाम खानि अध्ययनको अन्तिम चरणमा ।
९ त्रिबेणि–दुम्किबास–आरुङ्गखोला सडक निर्माणमा राष्ट्रिय निकुंञ्ज र मध्यवर्तिका कारण भएको अवरोध हटाउन महत्वपूर्ण पहल भैराखेको ।
१० त्रिवेणी – वाल्मीकि आश्रम जोड्ने झोलङ्गे पुल निर्माण देखिएको समस्या समाधान भै काम सुचारु हुँदै ।

११प्रधामन्त्री कृषि आधुनिकीकरण कार्यक्रम मार्फत नवलपुरको पहाडी गाउँ पालिकाहरुमा “ सुन्तला पकेट “ क्षेत्र घोषणा गरि कार्यक्रम संचालन ।
१२ जिल्लाको सदरमुकाम रहेको कावासोती नगरपालीलाई सडक पूर्वाधार विकासका लागि पहिलो चरणमा २०५ करोड रुपौया विनियोजित भएको ।