मध्यविन्दु अस्पतालमा भष्ट्रचार,टेण्डर प्रक्रियाको कागजपत्र झिकाई अनुसन्धान सुरु

कावासोती । सरकारले प्रस्तावित गरेको नवलपुरको जिल्ला अस्पतालमा भष्ट्रचार भएको भन्दै गत मंगलबार जिल्ला प्रशासन कार्यालय नवलपुरलाई कावासोतीका युवाहरु ध्यान आर्कषण गराएका छन् । करीब एक सय जनाको हाराहारीमा जिल्ला प्रशासन कार्यालय नवलपुर पुगेका युवाहरुले प्रमुख जिल्ला अधिकारी दिपकराज नेपाललाई ध्यान आर्कषण गराएका हुन् । प्रस्तावित नवलपुरको जिल्ला अस्पताल नवलपरासी पूर्वको कावासोती १६ डण्डामा रहेको मध्यबिन्दु सामुदायिक अस्पतालमा भष्ट्रचार भएको भन्दै युवाहरुले प्रमुख जिल्ला अधिकारी दिपकराज नेपाललाई यस बिषयमा गम्भिर अनुसन्धान गर्ने माग गरेका थिए । विदेशीको सहयोगमा निमार्ण भईरहेको भौतीक सरंचना निमार्णमा अस्पताल समितिले भवन निमार्ण ठेक्का दिदा र निमार्ण सामाग्री खरिदमा भष्ट्रचार गरेको युवाहरुले प्रमुख जिल्ला अधिकारीलाई बताएका थिए । मध्यबिन्दु सामुदायिक अस्पताल सञ्चालक समितिले सर्वजनिक खरिद ऐन अन्र्तगत रही टेण्डर गरेको तर कमीसनको चक्करमा ऐन बिपरीत गई निमार्ण समाग्री खरिद गरी भष्ट्रचार गरेको युवाहरुको आरोप रहेको छ ।

यस अघि पनि जिल्ला प्रशासन कार्यालय नवलपुरमा मध्यबिन्दु अस्पतालमा भष्ट्रचार भएको भन्दै २ ओटा उजुरी परी सकेको छ । प्रस्तावित नवलपुरको जिल्ला अस्पताल समेत रहेको मध्यबिन्दु सामुदायिक अस्पतालमा भौतीक सरंचना निमार्णमा अस्पताल सञ्चालक समिति, ठेकेदार र सामाग्री उपलब्ध गराउने फर्मको मिलोमतोमा आर्थिक सुशासन बिपरित भष्ट्रचार भएको भन्दै जिल्ला प्रशासन कार्यालय नवलपरासी पूर्ब नवलपुरमा उजुरी परेको थियो । केही साता अगाडि जिल्ला प्रशासन कार्यालय नवलपुरमा उजुरी परेको र त्यस बिषयमा अनुसन्धान भईरहेको जिल्ला प्रशासन कार्यालय नवलपरासी पूर्बका शाखा अधिकृत आनन्द भुषालले बताएका छन् । जिल्ला प्रशासन कार्यालय नवलपरासी पूर्ब नवलपुरमा अस्पताल सञ्चालक समिति, ठेकेदार र सामाग्री उपलब्ध गराउने फर्म बिच आर्थिक सुशासन बिपरित अनियमितता र सार्वजनिक खरिद ऐन बिपरीत टेण्डर स्वीकृति गरी निमार्ण समाग्री खरिद गरेको भन्दै मध्यबिन्दु अस्पताल बिरुद्द उजुरी परेको हो । यता जिल्ला प्रशासन कार्यालय नवलपुरले केही दिन अगाडी मध्यबिन्दु सामुदायिक अस्पतालबाट टेण्डर प्रक्रियाको कागजहरु झिकाई अनुसन्धान गरीरहेको छ । अनुसन्धानमा अस्पताल समितिले सामान्य कागजी प्रक्रिया मिलाउने गरी मात्र टेण्डर प्रक्रिया गरेको देखिन आएको स्रोतले जनाएको छ । जिल्ला प्रशासन कार्यालय नवलपुरले मध्यबिन्दु अस्पतालमा भष्ट्रचार भएको भनि परेको निबेदनको प्राराभिक अनुसन्धान गरी अख्तियार दुरुपयोग अनुसन्धान आयोग बुटवललाई थप अनुसन्धानको लागी सिफारी गर्ने तयारी समेत गरेको छ ।

यता मध्यबिन्दु सामुदायिक अस्पताल डण्डाका सञ्चालक समिति अध्यक्ष चेतनाथ पोख्रेलले अस्पताल भित्र भौतिक संरचना निमार्णमा कुनै भष्ट्रचार नभएको दाबि गरेका छन् । उनले भौतिक संरचना निमार्णको लागी टेण्डर प्रकृया हुदा धेरै पक्षबाट कमिशनको अफर आएपनि आफुहरु कमिशनको चक्करमा नलागी अस्पतालमा गुणस्तर युक्त भौतिक संरचना बनाउन लागी परेको बताएका छन् । अध्यक्ष पोख्रेलले अस्पतालमा निमार्ण भई रहेको भौतिक संरचना निमार्णको गुणस्तरमा आफुहरुले कुनै अबैध सम्झैता नगरेको भन्दै अस्पताल भित्र कुनै भष्ट्रचार हुन नदिने बताएका छन् ।

मिति २०७५/११/२२ गते प्रकाशित नमुना सन्देश साप्ताहिकमा खबर छ ।