नवलपुरमा बम आतंक, दलदलेमा पनि भेटियो शंकास्पद बस्तु

कावासोती । नवलपरासी (बर्दघाट सुस्ता पूर्व) जिल्लाको देवचुली–१३ दलदलेमा शंकास्पद बस्तु फेला परेको छ । शंकास्पद बस्तु डिष्पोज गर्न नेपाली सेनाको टोली त्यस तर्फ गइरहेको प्रहरीले जनाएको छ । आज बिहान कावासोतीमा भने ठुलो आवाज सहित बम बिष्फोट भएको थियो । त्यस्तै केही समय अगाडी जिल्लाको गैंडाकोट ९ को जयश्री पुल नजिकै फेला परेको बिष्फोटक पदार्थलाई नेपाली सेनाको टोलिले निष्कृय बनाएको थियो । झोलामा रहेको ति बिष्फोटक पदार्थ पेट्रोल बम र सुतली बम रहेको गैंडाकोट प्रहरीले जनाएको छ । जयश्री पुलमा बिहान फेला परेको शंकास्पद बस्तु भने बिष्फोटक पदार्थ नभएको प्रहरीले जनाएको छ । बिष्फोटक पदार्थ नभएको एकिन पछि नेपाली सेनाको टोलिले सो बस्तु राजमार्गबाट हटाएको थियो ।
जिल्लामा बिहिबार विप्लव नेतृत्वको नेकपाले गरेको बन्दको कारण बजारहरु पूर्ण बन्द भएका थिए भने प्रहरीको स्कटिङ्गमा केही सवारीहरु सञ्चालनमा आएका थिए । बन्दको क्रममा मानविय तथा भौतिक क्षति भने जिल्लामा कही पनि नभएको डिएसपी लामिछानेले बताए ।