नवलपुरको गैंडाकोटमा सवा तीन करोडको कुल मन्दिर

गैंडाकोट । भारद्धावाज गोत्रिय कँडेल वंशद्धारा नवलपुरको गैंडाकोटमा सवा तीन करोडको लागतमा कुल मन्दिर स्थापना गरिएको छ । बागलुङ जिल्लाको बिँहुकोट मुख्य थलो रहेर चितवन र नवलपुरमा आएर बसोबास गरेका कँडेलहरु आँफैले आर्थिक संकलन गरेर कुल मन्दिरको स्थापना गरेको कुल मन्दिर ब्यबस्थापन समितिका अध्यक्ष रमाकान्त कँडेलले बताए ।

बिँउकोटबाट चितवन आएका कँडेलहरुले २०५६ शालदेखि सो स्थानमा पुजा आजा गर्दै आएका थिए । तर पुजा गर्नको लागि संरचना सानो भएर समस्या भएपछि सुबिधा समपन्न मन्दिरको स्थापना गरिएको हो । सवा तीन करोड लागतमा निर्माण भएको कुल मन्दिरमा विभिन्न देबीदेवताका दर्जन भन्दा बढी मुर्ती स्थापना गरिएको छ । मन्दिर भित्र र बाहिर गरि सप्तरिषीका ८, राम,सीता, हनुमान, लक्षमण, शिव पार्वती गणेश, देविशुुर्य, विष्णु लगाएतको मुर्तीहरुको स्थापना गरिएको अध्यक्ष कँडेले बताए । डेढ विघा क्षेत्रफलमा निर्माण भएको मन्दिरलाई आर्कषकको बनाउन मोजाक टायलको समेत प्रयोग गरिएको छ । अतिथि गृह सहित निर्माण भएको मन्दिरमा सुबिधा सम्पन्न यज्ञ मण्डप, आश्रम, भोजन गृहलगायत उच्च स्तरका शौचालयहरु निर्माण गरिएको मन्दिर निर्माण समिति संयोजक प्रकाश कँडेलले बताए । मन्दिरमा कँडेलमात्र नभई अन्य व्यक्तिको आवागनको लागि आर्कषण किसिका संरचना पनि छन् । पर्यटन प्रवद्र्धन गर्ने उद्देश्यले ६० केजी बराबरको ४ वटा कलात्मक घण्ट जोड्नो मन्दिर ब्यबस्थापन समितिका सचिब हरी कँडेलले बताए । कँडेलका अनुसार हाल २ वटा घण्ट राखि सकिएको र बाँकी २ वटा पनि ललितपुरमा बनाउनको लागि अडर गरिएको छ ।

२ वर्षमा निर्माण सम्पन्न गर्ने गरि योजना बनाईए पनि विनाशकारी भूकम्पका कारण १ वर्ष ढिला गरि निर्माण भएको हो । २०५६ शालदेखि कुलको स्थापना गरेर पुजा गर्दै आईएको ठाउँ निकै साँघुरो भएपछि कँडेलहरु आँफैले रकम संकलन गरेर मन्दिर निर्मांण गरिएको सचिब हरी कँडेलले बताए । कँडेलका अनुसार पहिले सानो ठाउँका कारण सबै कार्यक्रम तथा पुजाहरु एकै ठाँउमा गर्नु पर्ने भएपछि मन्दिर निर्माण गरिएको हो । हाल बनेको कुल मन्दिरमा गुरुकुल र बृद्धा आश्रम सञ्चालन ल्याउने समेत अध्यक्ष कँडेलले बताए ।